స్విగ్గీ సంచలన నిర్ణయం.. నెటిజన్ల ప్రశంసల జల్లు
ఫుడ్ డెలివరీ యాప్ స్విగ్గీ తీసుకున్న తాజా నిర్ణయాన్ని నెటిజన్లు స్వాగతిస్తున్నారు. అందరూ ఇలా ఆలోచిస్తే మంచిది అంటున్నారు. ఆ నిర్ణయమేంటో చూద్దాం.
Samayam Telugu 25 Oct 2021, 10:38 am
మహిళా ఉద్యోగులకు ఎన్నో చెప్పుకోలేని సమస్యలుంటాయి. వాటిలో రుతుక్రమం (periods) ఒకటి. ఆ సమయంలో వారు చాలా బలహీనం అవుతారు. ఎంతో నొప్పిని భరిస్తారు. అందువల్ల వారు తమకు లీవ్ కావాలని అడగాల్సి ఉంటుంది. లీవ్ ఎందుకు అనే ప్రశ్నకు సమాధానం ఇవ్వాల్సి వస్తోంది. ఇది వారికి ఇబ్బందిగా మారుతోందని గ్రహించిన ఫుడ్ డెలివరీ యాప్ స్విగ్గీ (swiggy) ఇకపై మహిళా డెలివరీ ఉద్యోగులకు (female delivery partners) 2 రోజుల సెలవులు ఇవ్వనున్నట్లు ప్రకటించింది. ఈ సెలవులకు వారు కారణం తెలపాల్సిన పనిలేదని చెప్పింది. ఈ సందర్భంగా స్విగ్గీ కార్యకలాపాల ఉప అధ్యక్షుడు మిహిర్ షా తన బ్లాగ్లో పోస్ట్ పెట్టారు. అందులో "రోడ్డుపై వెళ్తున్నప్పుడు రుతుక్రమం అయితే అది చాలా ఇబ్బందికరం. మహిళలు ఫుడ్ డెలివరీ ఉద్యోగాలు చెయ్యకపోవడానికి అనేక కారణాల్లో ఇదీ ఒకటిగా తెలుస్తోంది. ఇకపై స్విగ్గీ... తమ మహిళా డెలివరీ ఉద్యోగులు ఇలాంటి సమస్య వచ్చినప్పుడు అండగా ఉంటుంది. ఎలాంటి ప్రశ్నలూ అడగకుండానే నెల నెలా 2 రోజుల సెలవులు (2 day leaves) ఇస్తుంది. ఆ సెలవులకు కంపెనీ శాలరీ ఇస్తుంది" అని తెలిపారు.
ఈ కొత్త పాలసీ ద్వారా స్విగ్గీలో మహిళా ఫుడ్ డెలివరీ ఉద్యోగులు నెల నెలా 2 రోజుల పీరియడ్స్ సెలవులు పొందవచ్చు. ఆ రెండు రోజులూ వారికి కంపెనీ కనీస ఆదాయం ఇస్తుంది. స్విగ్గీలో 2016లో కొన్ని కీలక నిర్ణయాలు తీసుకొని... మహిళా డెలివరీ ఉద్యోగులను నియమించుకుంది. ఈ రోజుల్లో మహిళలకు అన్ని రంగాల్లో ప్రాధాన్యం పెరుగుతోంది. ఆ క్రమంలో స్విగ్గీ తీసుకున్న నిర్ణయం వారికి మరింత మేలు చెయ్యనుంది.
గతేడాది... స్విగ్గీ పోటీదారు జొమాటో (zomato) కూడా ఇలాంటి స్కీమ్ తెచ్చింది. కంపెనీలోని మహిళా, ట్రాన్స్జెండర్ ఉద్యోగులకు సంవత్సరానికి 10 రోజులు పీరియడ్ లీవ్స్ ఇవ్వనున్నట్లు ప్రకటించింది. ఆ పది రోజులకు శాలరీ చెల్లిస్తామని తెలిపింది.
స్విగ్గీ తాజా ప్రకటనను నెటిజన్లు స్వాగతిస్తున్నారు. వీలైనంత త్వరగా ఈ పాలసీని అమల్లోకి తేవాలని కోరుతున్నారు.
స్విగ్గీ తీసుకున్న మరికొన్ని తాజా నిర్ణయాలపై మిహిర్ షా తన బ్లాగులో వివరాలు ఇచ్చారు. వాటిలో సేఫ్ జోన్స్ అనేవి కల్పిస్తున్నారు. అలాగే... మహిళా ఉద్యోగులు సాయంత్రం 6 గంటల వరకే ఫుడ్ డెలివరీ చేసేలా నిర్ణయాలు తీసుకున్నట్లు తెలిపారు.
ఈ కొత్త పాలసీ ద్వారా స్విగ్గీలో మహిళా ఫుడ్ డెలివరీ ఉద్యోగులు నెల నెలా 2 రోజుల పీరియడ్స్ సెలవులు పొందవచ్చు. ఆ రెండు రోజులూ వారికి కంపెనీ కనీస ఆదాయం ఇస్తుంది. స్విగ్గీలో 2016లో కొన్ని కీలక నిర్ణయాలు తీసుకొని... మహిళా డెలివరీ ఉద్యోగులను నియమించుకుంది. ఈ రోజుల్లో మహిళలకు అన్ని రంగాల్లో ప్రాధాన్యం పెరుగుతోంది. ఆ క్రమంలో స్విగ్గీ తీసుకున్న నిర్ణయం వారికి మరింత మేలు చెయ్యనుంది.
గతేడాది... స్విగ్గీ పోటీదారు జొమాటో (zomato) కూడా ఇలాంటి స్కీమ్ తెచ్చింది. కంపెనీలోని మహిళా, ట్రాన్స్జెండర్ ఉద్యోగులకు సంవత్సరానికి 10 రోజులు పీరియడ్ లీవ్స్ ఇవ్వనున్నట్లు ప్రకటించింది. ఆ పది రోజులకు శాలరీ చెల్లిస్తామని తెలిపింది.
స్విగ్గీ తాజా ప్రకటనను నెటిజన్లు స్వాగతిస్తున్నారు. వీలైనంత త్వరగా ఈ పాలసీని అమల్లోకి తేవాలని కోరుతున్నారు.
స్విగ్గీ తీసుకున్న మరికొన్ని తాజా నిర్ణయాలపై మిహిర్ షా తన బ్లాగులో వివరాలు ఇచ్చారు. వాటిలో సేఫ్ జోన్స్ అనేవి కల్పిస్తున్నారు. అలాగే... మహిళా ఉద్యోగులు సాయంత్రం 6 గంటల వరకే ఫుడ్ డెలివరీ చేసేలా నిర్ణయాలు తీసుకున్నట్లు తెలిపారు.