Propose Day Quotes: ఈ ప్రపోజ్ డేను ఈ అందమైన కోట్స్ తో మరింత అందంగా మార్చుకోండి!

సాధారణంగా కొన్ని మతపరమైన పండుగలు కేవలం ఒక్కరోజుతో ముగిసిపోవు. అవేమిటో మనకు తెలుసు. అదేవిధంగా వాలెంటైన్స్ డే కూడా. ఇది మతాలకు సంబంధంలేని పండుగే అయినా, వీటితో సమానంగా 8 రోజులు జరుపబడుతుంది. ఈ 8 రోజులు వరుసగా, రోజ్ డే, ప్రపోజ్ డే, చాక్లెట్ డే, టెడ్డీ డే, ప్రామిస్ డే, హగ్ డే, కిస్ డే, వాలెంటైన్స్ డే. ఆ క్రమంలో భాగంగా, ప్రతి సంవత్సరం ఫిబ్రవరి 8వ తేదీన ప్రపోజ్ డేగా ప్రేమికులు సెలబ్రేట్ చేసుకుంటారు.

ఈ ప్రపోజ్ డే వాలైంటైన్స్ డే వారంలో రెండవరోజుగా ఉంటుంది. ఈరోజు అనేకమంది యువతీయువకులు, తాము ప్రపోజ్ చేయాలనుకునే భాగస్వామికి గులాబీలను, లేదా వారికి ఇష్టమైన వస్తువులను బహుమతిగా ఇవ్వడం ద్వారా ప్రపోజ్ చేస్తారు. జీవితంలో కొందరికి ఇది కేవలం ఒక రోజుగానే ఉంటే, మరికొందరికి అతి ముఖ్యమైన, మరచిపోలేని రోజుగా మారుతుంది. ఎందుకంటే, చాలా రోజులుగా మనసులో ఉన్న భారానికి ఈరోజు ఒక సమాధానం లభిస్తుంది కాబట్టి.

కేవలం కొత్తగా ప్రపోజ్ చేసుకునేవారికే కాకుండా, ఇది వరకే ప్రేమలో ఉన్నవారు, దంపతులు కూడా ఈరోజుని సెలెబ్రేట్ చేసుకోడానికి ఇష్టపడుతుంటారు. దీనికి కారణం, తమ ప్రేమను తరచుగా వ్యక్తపరచడం ద్వారా వారి మధ్య ఉన్న ప్రేమ, బాంధవ్యాలు మెరుగవుతాయి. అందుకే వాలెంటైన్స్ డే పూర్తిస్థాయిలో జరుపుకోవాలని భావించేవారు, ఒక చిన్న గ్రీటింగ్ కార్డ్, గులాబీలతోపాటుగా, వారికిష్టమైన చాక్లెట్స్ లేదా వస్తువులను బహూకరించడం ద్వారా, తమ ప్రేమను వ్యక్తపరుస్తుంటారు. మరికొందరు తమ మనసులోని భావాలను వారికి తెలియజేయాలనే ఆకాంక్షతో, తమ ఆలోచనలను ఒక లేఖ రూపంలో, లేదా ఒక కవితగా రాసి ప్రపోజ్
చేస్తుంటారు.

ఒక మనిషి తన జీవితంలో సంపూర్ణ విజయాన్ని సాధించాడు అంటే, అందులో ముఖ్యంగా తమకిష్టమైన భాగస్వామిని కలిగి ఉండడం కూడా ప్రధానంగా ఉంటుంది. అటువంటి ప్రేమను పొందడం ఆ జీవితాన్ని పరిపూర్ణం చేస్తుంది. మీరు కూడా ఎవరికనా ప్రపోజ్ చేయాలని అనుకుంటున్నారా, మరెందుకు ఆలస్యం ఈ ప్రపోజ్ డే నాడే మీ ప్రేమను తెలియజేసి మీ బంధానికి పునాదులు వేయండి.

ఈ కిందనున్న కోట్స్ ద్వారా మీ ప్రేమను తెలిపి బంధాన్ని మరింత బలోపేతం చేసుకోండి!

1. నా మనసులోని ప్రేమను నీకు తెలపడానికి అత్యంత ప్రత్యేకమైన ఈ రోజును ఎంచుకుంటున్నాను. జీవితాంతం నాకు తోడుగా ఉంటావా? Happy Propose Day.

2. నన్ను నేను అన్వేషించుకునే ప్రయత్నం నిన్ను చూశాకనే పూర్తయింది. అప్పుడే అర్థం అయింది. దాని పేరే ప్రేమ అని... Happy Propose Day.

3. ఒక్క మాట నన్ను ప్రేమించాను అని చెప్పు.. జీవితాంతం నిన్ను ఆనందపరిచే ప్రపంచాన్ని సృష్టిస్తా.. Happy Propose Day.

4. ప్రేమ అంటే ప్రేమించడం, మరిచిపోవడం కాదు. ఆ ప్రేమను మనస్పూర్తిగా పంచుకోవడం.. Happy Propose Day.

5. నువ్వు నడిచేటప్పుడు నీ నీడలాగా.. నేను నడిచేటప్పుడు నా నీడలాగా కనిపిస్తుంది. కానీ మనం కలిసి నడిచేటప్పుడు మన ఇద్దరి నీడలు ప్రేమలాగా కనిపిస్తాయి.. Happy Propose Day.