(image credit - twitter - IndiaCoastGuard)
ఉప్పొంగే దేశభక్తి
ఈ వీడియోని ఇండియన్ కోస్ట్ గార్డ్.. జులై 29, 2022న ట్విట్టర్ లోని తమ అకౌంట్ IndiaCoastGuard లో పోస్ట్ చేశారు. దీన్ని ఇప్పటివరకూ 6.8 వేల మందికి పైగా చూడగా... 463 మంది లైక్ చేశారు. "75వ భారత స్వాతంత్ర్య దినోత్సవాల సందర్భంగా.. ఇండియన్ కోస్ట్ గార్డ్ ఈ అండర్ వైటర్ ఫ్లాగ్ డెమోను సముద్రంలో నిర్వహించింది. ప్రజల్లో దేశభక్తిని తట్టి లేపడమే లక్ష్యంగా ఇది నిర్వహించింది" అని ట్వీట్ లో తెలిపారు. దీన్ని గమనిస్తే కోస్ట్ గార్డులు సముద్రంలోపలికి వెళ్లి... నీటిలో మువ్వన్నెల జెండాను రెపరెపలాడించారు. నీటిపైన జెండాను ఎగరేస్తూ రెపరెపలాడించిన దృశ్యాల్ని మనం చాలా చూశాం. ఇది నీటిలోపల నిర్వహించడం వల్ల వైరల్ అయ్యింది.
(image credit - twitter - IndiaCoastGuard)
ఆ వీడియోని ఇక్కడ చూడండి (viral video)
భారీ ఎత్తున హర్ ఘర్ తిరంగా ప్రచారం
ఈసారి ఆగస్ట్ 15న ప్రతి ఇంట్లోనూ జెండా రెపరెపలాడాలి అని కోరుకుంటున్న కేంద్ర ప్రభుత్వం.. హర్ ఘర్ తిరంగా ప్రచారాన్ని ఉద్ధృతంగా నిర్వహిస్తోంది. మొన్ననే మన్కీ బాత్ కార్యక్రమంలో ప్రధానమంత్రి నరేంద్ర మోదీ ఈ క్యాంపెయిన్ గురించి మాట్లాడారు. ఆగస్టు 2 నుంచి 15 తేదీ వరకు దేశ ప్రజలందరూ తమ సోషల్మీడియా ఖాతాల ప్రొఫైల్ పిక్చర్‌గా జాతీయ జెండా ఫొటో పెట్టుకోవాలని ప్రధాని కోరారు. అలాగే... ఆగస్టు 13 నుంచి 15 వరకు 'హర్ఘర్ తిరంగా' పేరుతో ప్రత్యేక ఉద్యమం నిర్వహిస్తున్నామన్న మోదీ... ఆ మూడు రోజులు.. ప్రతి ఇంటి దగ్గరా... జాతీయ జెండా ఎగురవేసి దేశభక్తిని చాటుకోవాలని కోరారు.
(image credit - twitter - IndiaCoastGuard)
ప్రధాని మోదీ మన్ కీ బాత్ వీడియోని ఇక్కడ చూడండి
సమరయోధులకు జయహో
దేశ ప్రజలు ఈసారి స్వాతంత్ర్య దినోత్సవాల కోసం ఆసక్తిగా ఎదురుచూస్తున్నారు. దేశానికి స్వాతంత్ర్యం వచ్చి 75 ఏళ్లు అవుతుండటం అనేది మహోన్నత ఘట్టం కావడంతో... వారిలో దేశభక్తి ఉప్పొంగుతోంది. మన ముందు తరాల వారు తెల్లారి లేస్తే.. ఉద్యమమే ఊపిరిగా బతికారు. బ్రిటీష్ వారితో పోరాటి ప్రాణ త్యాగాలు చేశారు. దాదాపు 200 సంవత్సరాలు ప్రాణాలకు తెగించి పోరాడటం వల్లే ఈ రోజున ఇండియా స్వేచ్ఛా వాయువులు పీల్చుతోంది. సమరయోధులకు మనం ఏం ఇచ్చినా రుణం తీరదు. కనీసం ఇలాంటి దినోత్సవాల ద్వారా నైనా... వారి పట్ల గౌరవభావాన్ని చాటుకోవాలని ప్రజలు ఎదురుచూస్తున్నారు.
(image credit - twitter - IndiaCoastGuard)