ఆకలితో ఏనుగు.. మావాటి ప్లేటులో అన్నాన్ని తింటూ ఆశ్చర్యపరిచిన గజరాజు

మనుషులకు, జంతువులకు మధ్య స్నేహం చాలా అరుదుగా ఉంటుంది. కుక్కల తర్వాత మనుషులతో స్నేహం చేయగలిగే జీవుల్లో ఏనుగులు కూడా ఒకటి. ఒకసారి వాటికి అలవాటైతే ఎంతో ప్రేమిస్తాయి. ఎందుకంటే.. ఏనుగులు తమ కుటుంబాన్ని ఎంతో జాగ్రత్తగా కాపాడుకుంటాయి. ఒక్కసారి అవి మనల్ని స్నేహితులుగా చూశాయంటే చాలు.. జీవితాంతం గుర్తుంచుకుంటాయి.

ఈ కింది వీడియోలోని ఏనుగును చూస్తే అదే అనిపిస్తుంది. బాగా ఆకలితో ఉన్న ఆ ఏనుగు.. తన మావాటిని అన్నం పెట్టమని అడిగింది. అతడు స్పందించకపోవడంతో అదే అతడి ప్లేటులో తొండం పెట్టి అన్నాన్ని అందుకుంది. అయితే, వారిద్దరూ ఎప్పుడూ అలా కలిసే తింటారో ఏమో.. మావాటి కూడా ఆ ఏనుగు ఏమీ అనలేదు. అది అన్నాన్ని ఎంగిలి చేసినా.. పెద్దగా పట్టించుకోకుండా ముద్దలు కలుపుకుని తినడం కనిపించింది.

వీడియో: Also Read: చోరీకెళ్లి షాపు సీలింగులో కాపురం పెట్టిన దొంగ.. నెల రోజులుగా అక్కడే మకాం, చివరికి..

వెరైటీ మీడియా అనే ఫేస్‌బుక్ పేజీలో పోస్టు చేసిన ఈ వీడియో సోషల్ మీడియాలో వైరల్‌గా మారింది. కేరళాలో చోటుచేసుకున్న ఈ ఘటన చూసి నెటిజనులు ఫిదా అవుతున్నారు. ఫ్రెండుతోనో, కుటుంబికుడితోను కలిసి తింటున్నట్లుగా ఆ ఏనుగు అన్నాన్ని తొండంతో తీసుకుని తినడం చూసి ఆశ్చర్యపోతున్నారు. ఇప్పటివరకు ఈ వీడియోను 5 లక్షల మందికి పైగా వీక్షించారు. ఐదు వేల మందికి పైగా షేర్ చేసుకున్నారు. మరి ఇంకెందుకు ఆలస్యం? మీరు కూడా ఆ వీడియోను చూసేయండి.

Also Read: అల్లుడిని పెళ్లి చేసుకున్న అత్త.. కూతురికి ఊహించని షాక్, ఇదో చిత్రమైన ప్రేమ కథ!