నా భార్యతో కత్తి పోరాటానికి అనుమతివ్వండి.. కోర్టును కోరిన భర్త

ఓ మహిళ తన భర్తతో విడాకులు తీసుకోవడానికి కోర్టును ఆశ్రయించింది. తనకు భరణం ఇప్పించాలని డిమాండ్ చేయడంతో భర్తకు చిర్రెత్తుకొచ్చింది. దీంతో అతడు కోర్టును ఆమెతో జపాన్ సాంప్రదాయ క్రీడ కత్తి పోరాటం చేసేందుకు అనుమతివ్వాలని కోరాడు. అతడి డిమాండ్ విని కోర్టు ఆశ్చర్యపోయింది. అయితే, అతడు అడిగింది చట్టవిరుద్దమైన నిర్ణయం కాదని తెలిసి న్యాయమూర్తులు ఆలోచనలో పడ్డారు.

Also Read: కుక్క నాకడంతో ప్రాణాలు కోల్పోయిన యజమాని.. ఘటనపై షాకింగ్ వాస్తవాలు!

అమెరికాలోని కనాస్‌లో పౌలా ప్రాంతానికి చెందిన 40 ఏళ్ల ఓస్ట్రామ్, అతడి భార్య బ్రిడ్గెట్టే(38)ల ఈ మధ్య విడాకుల కేసు నడుస్తోంది. భరణం విషయంలో వాదోపవాదనలు విన్న కోర్టు.. ఓస్ట్రామ్ చేసిన డిమాండుకు ఏం సమాధానం ఇవ్వాలో తెలియలేదు. ‘‘నాకు 12 వారాలు సమయం ఇచ్చినట్లయితే.. ఆయుధాలు వెతికి తీసుకొస్తా. కత్తి యుద్ధం ద్వారా కేసు విచారణ పొందే హక్కుకును అమెరికా చట్టాల్లో నిషేదించలేదు, రద్దు కూడా చేయలేదు’’ అని కోర్టుకు తెలిపాడు.

Also Read: వింత ఆచారం.. అక్కడ వధువుకు శవంతో పెళ్లి చేస్తారు, పిల్లలను ఎలా కంటారో తెలుసా?

1818వ సంత్సరంలో బ్రిటీష్ కోర్టులో కత్తి పోరాటం ద్వారా కేసు విచారణ జరిపారని ఓస్ట్రామో గుర్తుచేశాడు. కోర్టు ఈ కేసును వాయిదా వేసింది. ఒకవేళ కోర్టు అతడికి అనుమతి ఇస్తే.. అమెరికాలోనే తొలిసారి కత్తియుద్ధంతో విడాకుల కేసును విచారించిన తొలి ఘటన అవుతుంది.