నిద్రిస్తున్న భార్య నోట్లో పచ్చి గుడ్డు వేసి.. భర్త పరాచకాలు, చివరికి ఏమైందంటే..

రష్యాలోని సమరా నగరంలో నివసిస్తున్న తత్యానా సబిస్క్యా (30) ఓ రోజు మంచి నిద్రలో ఉంది. ఇదే మంచి అవకాశం అని భావించిన ఆమె భర్త స్బిట్స్కే గెన్నాడీ (35) ఆమెను కొత్తగా మేల్కొలపాలని భావించాడు. దీంతో గుడ్డు పగలగొట్టి.. అందులోని పచ్చ సొనను స్పూన్‌లో వేసుకుని ఆమె బెడ్ వద్దకు వెళ్లాడు. అనంతరం గుడ్డు సొనను ఆమె నోటిలో వేశాడు. దీంతో ఆమె ఉలిక్కిపడి లేచింది. గుడ్డు సొన గొంతులోకి వెళ్లడంతో దగ్గుతూ దాన్ని బయటకు కక్కింది.

అలా చేసిన భర్తను కొట్టేందుకు ఆమె మంచం మీద నుంచి కిందికి దిగింది. వేగంగా పరిగెడుతూ.. గుమ్మం దగ్గర ఆగిపోయింది. అయితే, ఆమె కావాలని ఆగలేదు. ఆమె అలా కోపం పరిగెట్టుకొస్తుందని ముందే ఊహించిన భర్త గుమ్మానికి అడ్డంగా టేపులు అంటించాడు. దీంతో ఆమె ముఖం ఆ టేపులకు అంటుకుంది. వాటి నుంచి విడిపించుకోడానికి ఆమె ముప్పుతిప్పలు పడింది. ఇదంతా ఆమె భర్త బాగా ఎంజాయ్ చేసినట్లు కనిపించింది. వీడియో చివరికి వరకు ఆమెను చూసి నవ్వుతూనే ఉన్నాడు. దీంతో ఈ ప్రాంక్ సోషల్ మీడియాలో వైరల్‌గా మారింది. మరింత మంది భర్తలకు ఇది బాగా నచ్చడంతో ఇంట్లో తమ భార్యలపై ప్రయోగిస్తున్నారు. అయితే, ఈ ప్రాంక్ చేసిన తర్వాత వారి పరిస్థితి ఏమిటనేది మాత్రం తెలియరావడం లేదు. కానీ, జాగ్రత్త సుమీ.. ఆ భర్తను స్ఫూర్తిగా తీసుకుంటే, తర్వాత దబిడి దిబిడే! (కింది వీడియోను చూడండి)

Also Read: ‘గూగుల్ పే’ స్క్రాచ్ కార్డ్.. ఈ లింక్ క్లిక్ చేస్తున్నారా? జాగ్రత్త!

Also Read: సినిమా థియేటర్‌లో అలజడి.. ప్రేక్షకులను పరుగులు పెట్టించిన ‘మూత్రం’