Video: కదిలే రైలు ఎక్కబోయింది.. సరిగ్గా అంతలో ఏం జరిగిందంటే..!

Indian Railways: రైళ్లతో జాగ్రత్తగా ఉండాలి. ఏ బస్సు ప్రమాదమో జరిగితే... డ్రైవర్‌ అద్దంలో చూసి సడెన్ బ్రేక్ వెయ్యగలరు. కానీ రైలు ప్రమాదం జరిగితే... లోకోపైలట్‌కి ఆ విషయం తెలియకపోవచ్చు. అందువల్ల ప్రాణాలు పోయే అవకాశాలు ఎక్కువ. ముంబైలోని కళ్యాణ్ రైల్వేస్టేషన్‌లో తరచూ ఎలాంటి ప్రమాదాలు జరుగుతున్నాయో... అలాంటిదే ఒకటి ఢిల్లీలో జరిగింది. అక్కడి బైకుల్లా రైల్వే స్టేషన్‌లో రాత్రి 8.03కి ఓ లోకల్ రైలు అప్పటికే కదిలింది. అయినా సరే ఆ రైలు ఎక్కేందుకు 40 ఏళ్ల మహిళ ప్రయత్నించింది. కానీ ఆమె పట్టు సడలింది. ఎందుకంటే అప్పటికే రైలు కొంత వేగంగానే వెళ్తోంది. దాంతో ఆమె కిందపడిపోతుంటే.... (train accident video)

ఆది గమనించిన మహిళా కానిస్టేబుల్ సప్నా గోల్కర్... ఆఘమేఘాలపై ఆ మహిళ దగ్గరకు వెళ్లి ఆమెను ప్లాట్‌ఫామ్ వైపు బలంగా లాగింది. అంతలో మిగతా ప్రయాణికులు కూడా అలర్టై... అక్కడికి చేరారు. ఇదంతా జరిగినా... ఆ రైలు మాత్రం రయ్యిన వెళ్లిపోయింది. ఎందుకంటే... ఇదంతా లోకోపైలట్‌కి తెలియదు కదా. అందుకే రైళ్లతో జాగ్రత్తగా ఉండాలి. వాటిని తక్కువ అంచనా వేస్తే... ఇలాంటి సమస్యలే వస్తాయి. (shocking video)

ఇప్పుడా బాధితురాలు ఆ ట్రైన్ కాకపోతే... పావు గంటలో వచ్చే మరో లోకల్ ట్రైన్ ఎక్కవచ్చు. ఆమెను మహిళా కానిస్టేబుల్ కాపాడారు కాబట్టి ఏమీ కాలేదు. అదే ఎవరూ అలర్ట్ అవ్వకపోయి ఉంటే... ఆమె రైలు కింద పడేదేమో... ఎవరికి తెలుసు... ప్రమాదం జరిగే అవకాశం ఉంది అని తెలిసి కూడా తొందరపడితే అది మనకే ముప్పుగా మారుతుంది అనేందుకు ఈ ఘటనే నిదర్శనం.

ఈ ఘటనకు సంబంధించిన సీసీటీవీ ఫుటేజ్‌ (cctv footage video)ని భారత రైల్వే శాఖ తన ట్విట్టర్ అకౌంట్‌లో పోస్ట్ చేసింది. ఆ వీడియో (viral video)ని ఇక్కడ చూడండి.

ఈ వీడియోని ఇప్పటివరకు 12వేల మందికి పైగా చూశారు. దీనిపై నెటిజన్లు రకరకాలుగా స్పందిస్తున్నారు. ఆటోమేటిక్‌గా డోర్లు క్లోజ్ అయ్యే వ్యవస్థ రావాలనీ... అప్పుడు ఇలాంటి ప్రమాదాలు జరగవని ఓ నెటిజన్ కోరారు. అలా జరగదనీ... డోర్లు ఉన్నా... చాలా మంది ప్రయాణికులు... డోర్లు తెరిచే ప్రయాణం సాగిస్తారని మరో నెటిజన్ అభిప్రాయపడ్డారు.

Video: కదిలే రైల్లోంచీ దిగాడు.. అంతే.. ఇలా అయ్యింది!
మొత్తానికి ఈ ఘటన ఆ రైల్వేస్టేషన్‌లో కాసేపు కలకలం రేపింది. ఇలా చెయ్యవద్దని రైల్వే శాఖ కోరుతోంది.