పెళ్లి చేసుకున్న ఇండో-పాక్ ‘స్వలింగ’ జంట.. ఫొటోలు వైరల్!

ప్రేమకు సరిహద్దులు ఉండవని మరోసారి రుజువైంది. ఇటీవల ఇండియాకు చెందిన హిందూ యువతి అంజలీ చక్రా, పాకిస్థాన్‌కు చెందిన ముస్లిం యువతి సుందాస్ మాలిక్‌లు ప్రేమలో పడిన సంగతి తెలిసిందే. న్యూయార్క్‌లో నివసిస్తున్న ఈ ‘స్వలింగ’ జంట.. ఇటీవల ఘాటు ముద్దులతో వైరల్ అయ్యారు. ప్రేమ సరోవర్ అనే ఫొటోగ్రాఫర్‌ను తీసిన ఈ చిత్రాలు నెటిజనులను బాగా ఆకట్టుకున్నాయి.

Read also: ముద్దులతో ఇండో-పాక్ అమ్మాయిలు రొమాన్స్.. సరిహద్దులు దాటిన ‘స్వలింగ’ ప్రేమ!

తాజాగా మరో ఇండో-పాక్ స్వలింగ సంపర్క జంట ప్రేమలో పడింది. అంతేకాదు.. ఘనంగా పెళ్లి కూడా చేసుకున్నారు. ఇండో-కొలంబియా క్రైస్తవ కుటుంబానికి చెందిన బియాంక మైలీ, పాకిస్థానీ ముస్లిం కుటుంబానికి చెందిన సైమాలు అమెరికాలో కలుసుకున్నారు. ఇద్దరి స్నేహం ప్రేమగా మారడంతో పెళ్లితో ఒక్కటయ్యారు. ఇటీవల కాలిఫోర్నియాలో జరిగిన వివాహ వేడుకలో బియాంక ఇవారీ చీర.. నగలతో ముస్తాబు కాగా, సైమా నల్ల రంగు షేర్వానీ ధరించింది. ఇద్దరు ఉంగరాలు మార్చుకుని కొత్త జీవితం వైపు అడుగులు వేశారు.