ట్రాఫిక్‌కు విసిగిపోయి.. ఇంట్లోనే హెలికాప్టర్ తయారు చేసుకున్న వ్యక్తి

ట్రాఫిక్‌లో గంటలతరబడి ఆగుతూ ఆగుతూ ప్రయాణం చేయడం ఎవరికి ఇష్టం ఉంటుంది చెప్పండి. అందుకే, ఆ వ్యక్తి ట్రాఫిక్ చిక్కులు లేకుండా గాల్లో ప్రయాణించేందుకు ఏకంగా హెలికాప్టర్ తయారు చేయాలని నిర్ణయించుకున్నాడు. ఇంట్లోనే అందుబాటులో ఉన్న పనికిరాని వస్తువులను ఉపయోగించి 26 అడుగుల పొడవు గల హెలికాప్టర్‌ను తయారు చేశాడు.

Also Read: ఉల్లిపాయలు ఎత్తుకెళ్లిన దొంగలు.. క్యాష్ బాక్సులో డబ్బులు భద్రం!

ఇండోనేషియాకు చెందిన జున్‌జున్ జునేది అనే 42 ఏళ్ల వ్యక్తి ట్రాఫిక్‌కు విసిగిపోయి ఇంటి వెనుకే హెలికాప్టర్ తయారు చేయడం మొదలుపెట్టాడు. ఈ సందర్భంగా అతడు మీడియాతో మాట్లాడుతూ.. ‘‘మా నగరంలో వాహనాల రద్దీ చాలా ఎక్కువగా ఉంది. దీనివల్ల సమయం, ఇంధనం రెండూ వృథా అవుతున్నాయి. అందుకే, హెలికాప్టర్ తయారు చేసుకుంటున్నా’’ అని తెలిపాడు.

Also Read: పాక్ క్రికెటర్ల మనసు దోచిన భారత డ్రైవర్.. అతడితో కలిసి డిన్నర్ చేసిన ఆటగాళ్లు!

‘‘18 నెలల కిందట ఈ హెలికాప్టర్ తయారీ మొదలుపెట్టా. ఇప్పటివరకు దీనికి రూ.1,50,410 ఖర్చు చేశా. నేను, నా కుమారుడు, పక్కింటి వ్యక్తి కలిసి దీన్ని తయారు చేస్తున్నాం. ఈ హెలికాప్టర్‌ను పూర్తి చేస్తేనే నాకు సంతృప్తి లభిస్తుంది’’ అని తెలిపాడు. ఇటీవల పాకిస్తాన్‌కు చెందిన పాప్‌కార్న్ వ్యాపారి మహమ్మద్ ఫయాజ్ కూడా సొంతంగా హెలికాప్టర్ తయారు చేశాడు. అనుమతి లేకుండా హెలికాప్టర్ నడపడం చట్ట విరుద్దమంటూ పోలీసులు దాన్ని సీజ్ చేశారు. మరి జునేదికి అనుమతి లభిస్తుందో లేదో చూడాలి.