భారతీయులకు మలేసియా 2020 ఆఫర్.. దేశాన్ని చుట్టేయడం మరింత సులభం!

కొత్త ఏడాది విదేశాల్లో చక్కర్లు కొట్టాలని ఉందా? అయితే, మలేసియా మిమ్మల్ని సగర్వంగా ఆహ్వానిస్తోంది. 2020 సందర్భంగా ఏడాది మొత్తం ఎలాంటి ఇబ్బంది లేకుండా ఆ దేశాన్ని చుట్టేయవచ్చు. అదెలా అనుకుంటారా? అయితే, ఇండియా, చైనా ట్రావెలర్స్ కోసమే ఆ దేశం ప్రకటించిన ఈ బంపర్ ఆఫర్ గురించి తప్పకుండా తెలుసుకోవల్సిందే.

విదేశీ ప్రయాణమంటే పాస్‌పోర్ట్‌తోపాటు.. వీసా కూడా చాలా అవసరం. చాలామంది విదేశాలు వెళ్లేందుకు ప్లాన్ చేసుకున్నా.. చివరి క్షణంలో విసా సమస్య వల్ల ప్రయాణాన్ని రద్దు చేసుకోవాల్సి వస్తుంది. అయితే, ఈ ఏడాది మలేసియా వెళ్లేందుకు ఆ సమస్యలు రావు. ఎందుకంటే.. 2020లో ఆ దేశాన్ని సందర్శించే ప్రయాణికులకు వీసా అక్కర్లేదు. ఈ ఏడాదిలో 15 రోజులు ఆ దేశాన్ని చుట్టి వచ్చేయవచ్చు. ఎలక్ట్రానిక్ ట్రావెల్ రిజిస్ట్రేషన్, ఇన్ఫర్మేషన్ సిస్టమ్‌ ద్వారా మలేసియాలో పర్యటించవచ్చు.