మూడో పెళ్లికి సిద్ధమైన భర్త.. చితకబాదిన ఇద్దరు భార్యలు

అతడు నిత్య పెళ్లి కొడుకు. పెళ్లి చేసుకున్న తర్వాత భార్యను చిత్రహింసలు పెట్టడం అతడికి అలవాటు. వాళ్లు అతడి హింసను తట్టుకోలేక వెళ్లిపోగానే.. మరో పెళ్లి చేసుకుంటాడు. అలా రెండు పెళ్లిల్లు విజయవంతంగానే చేసుకున్నాడు. అయితే, మూడో ప్రయత్నం వికటించింది. ఈ సమాచారం ఇద్దరు భార్యలకు తెలియడంతో భరిత పూజ చేశారు.

కొయంబతూర్‌కు చెందిన ఎస్.అరవింద్ అలియాస్ దినేష్ 2016లో ప్రియదర్శి అనే మహిళను పెళ్లి చేసుకున్నాడు. కొద్ది రోజుల్లోనే ఆమెను చిత్రహింసలు పెట్టడం మొదలుపెట్టాడు. దీంతో ఆమె 2019లో అతడిని వదిలి పుట్టింటికి వెళ్లిపోయింది. కొద్ది రోజుల తర్వాత అతడు మ్యాట్రీమోనీ వెబ్‌సైట్ ద్వారా మరో యువతి కోసం వెతకసాగాడు.

Read also: క్రెడిట్ కార్డు కోసం కన్న బిడ్డలను అమ్మేసిన తల్లి.. కొత్త ఫోన్ కొని జల్సాలు!

ఈ సందర్భంగా అనుప్రియా అనే విడాకులు తీసుకున్న మహిళను పెళ్లి చేసుకున్నాడు. ఆమెకు రెండేళ్ల కొడుకు ఉన్నాడు. అయితే, ఆమెను కూడా దినేష్ అదేవిధంగా హింసించడం మొదలుపెట్టాడు. దీంతో ఆమె కూడా అతడిని వదిలిపెట్టి కరూర్‌లోని తల్లిదండ్రుల వద్దకు వెళ్లిపోయింది. ఆ ఇద్దరికి విడాకులు ఇవ్వకుండానే దినేష్ మూడో సంబంధాన్ని వెతుకున్నాడు. ఓ యువతిని పెళ్లి చేసుకోడానికి సిద్ధమయ్యాడు.

ఈ సమాచారం తెలియగానే దినేష్ భార్యలిద్దరూ ఒక్కటయ్యారు. తమ బంధువులతో కలిసి దినేష్ పనిచేస్తున్న ప్రైవేట్ సంస్థ దగ్గరకు వచ్చారు. అతడిని బయటకు పంపాలని ఆఫీస్ సిబ్బందికి చెప్పారు. అయితే, వాళ్లు దినేష్‌ను బయటకు పంపలేదు. దీంతో ప్రియదర్శిని, అనుప్రియా ఆఫీసు గేటు ముందు బైఠాయించారు.

Read also: జలపాతంలో జారి 50 అడుగుల ఎత్తు నుంచి పడిన మహిళ, వీడియో వైరల్

ఈ సమాచారం తెలియగానే పోలీసులు హుటాహుటిన అక్కడికి చేరుకున్నారు. వారి సమస్య అడిగి తెలుసుకున్నారు. దీంతో పోలీసులు ఆఫీసులో ఉన్న దినేష్‌ను బయటకు తీసుకొచ్చారు. అతడు పోలీసుల వాహనం ఎక్కేందుకు వెళ్తుండగా ఇద్దరు భార్యలు, వారి బంధువులు దినేష్‌ను చుట్టుముట్టి చితకబాదారు. పోలీసులు దినేష్ మీద చీటింగ్ కేసు నమోదు చేశారు.