పెళ్లిలో రక్తాలు కారేలా కొట్టుకున్న అతిథులు.. స్టార్ హోటల్‌‌లో విధ్వంసం!

పెళ్లిల్లో గొడవలు జరగడం సహజమే. కానీ, ఇలా రక్తాలు కారేలా కొట్టుకోవడం అనేది మాత్రం చాలా అరుదు. పైగా సంపన్నులు విచ్చేసే ఫైవ్ స్టార్ హోటల్‌లో వేదికపైనే ఈ ఘటన చోటుచేసుకోవడం మరింత ఆశ్చర్యకరం. ఇంగ్లాండ్‌లోని వోల్వర్హంప్టన్‌లో గల రామదా పార్క్ హాల్ హోటల్‌లో శనివారం రాత్రి పెళ్లి వేడుక జరిగింది. ఈ సందర్భంగా పెళ్లికి విచ్చేసిన అతిథులంతా సంగీతానికి లయబద్ధంగా డ్యాన్స్ చేస్తూ.. ఆడిపాడారు.

Read also: బెంగాలీ ఫస్ట్‌నైట్.. ‘కాళరాత్రి’ పేరుతో తొలిరాత్రి, కొత్త జంటను వేరుచేసే వింత ఆచారం

అప్పటివరకు వాతావరణం సాధారణంగానే ఉంది. కానీ, సడన్‌గా ఏమైందో ఏమో.. అతిథులంతా ఒకరినొకరు కొట్టుకోవడం ప్రారంభించారు. కొందరైతే కూర్చీలు ఎత్తుకుని మరీ తగలు పగలగొట్టారు. పెద్దలు, పిల్లలు.. ఇలా అంతా కసిదీరా కొట్టుకున్నారు. వేదికలోని టేబుళ్లు, గ్లాసులు, బాటిళ్లు, అలంకరణ వస్తువులను ధ్వంసం చేశారు. ఈ గొడవ చూసి హోటల్ సిబ్బంది బయటకు పరుగులు పెట్టారు. ‘‘దయచేసి శాంతించండి. హోటల్ బయట ఉన్న పోలీసులు ఉన్నారు. గొడవ ఆగకపోతే వారు మిమ్మల్ని అరెస్టు చేస్తారు’’ అనిహోటల్ యాజమాన్యం మైక్‌లో హెచ్చరించింది. అయితే, అప్పటికే పోలీసులకు ఈ సమాచారం చేరిపోయింది.

Read also: భార్య కాదు అక్క.. పెళ్లయిన 8 ఏళ్ల తర్వాత తెలిసిన చేదు నిజం, ఇప్పుడామె గర్భవతి!

పోలీసులు హుటాహుటిన హోటల్‌కు చేరుకుని పరిస్థితిని అదుపులోకి తెచ్చారు. గాయపడినవారికి వైద్యులు ప్రథమ చికిత్స అందించి హాస్పిటల్‌కు తరలించారు. ఈ ఘటనను కొందరు మొబైల్ ఫోన్‌లో రికార్డు చేశారు. ఈ వీడియోలు ఇప్పుడు సోషల్ మీడియాలో చక్కర్లు కొడుతున్నాయి. ఈ పెళ్లికి హాజరైన అతిథుల్లో ప్రవాస భారతీయులు కూడా ఉన్నారు. అమన్ సింగ్ అనే ఎన్నారై స్పందిస్తూ.. వధువరుల కుటుంబాల మధ్య మొదలైన చిన్న గొడవ పెద్దదైందని, పెళ్లిల్లో ఇలా కొట్టుకోవడం ఎప్పుడూ చూడలేదని తెలిపారు. ఈ ఘటనలో ఎంత మంది గాయపడ్డారనేది తెలియాల్సి ఉంది.

(గమనిక: వీడియో హింసాత్మకంగా ఉన్న నేపథ్యంలో మీకు అందించలేకపోతున్నాం. గమనించగలరు)