వీడియో: ఐదు పులులను ఆటపట్టించిన కోతి, నిజమా.. ఫేకా?

ఎవరైనా అల్లరి చేస్తూ కోతి చేష్టలని అంటారు. మరి, కోతి చేష్టలు ఎలా ఉంటాయనేది మీరు ఎప్పుడైనా చూశారా? మీరు ఈ వీడియో చూస్తే.. కోతి చేష్టలు ఎలా ఉంటాయో అర్థమైపోతుంది. ఇండియన్ ఫారెస్ట్ సర్వీస్ (IFS) అధికారి సుశాంత్ నందా ట్వీట్ చేసిన ఈ వీడియో ఇప్పుడు సోషల్ మీడియాలో వైరల్‌గా మారింది.

ఈ వీడియోలో ఓ కోతి వాగును ఆనుకుని ఉన్న ఓ చెట్టు మీదకు ఎక్కింది. అదే సమయంలో వాగును దాటుతున్న ఐదు పులులను చూసింది. దీంతో అది చెట్టుకు ఉన్న చిటారు కొమ్మను పట్టుకుని కిందికి వేలాడింది. పులులను ఆటపట్టించింది. అయితే, పులులు కూడా దానితో చెలగాటం ఆడేందుకు ప్రయత్నించాయి. అది దొరికితే లంచ్ చేసుకుందామని ప్రయత్నించాయి. పైకి ఎగురుతూ కోతిని పట్టుకొనేందుకు ప్రయత్నించాయి. లక్కీగా కోతి వాటికి చిక్కలేదు.

ఈ వీడియో చూసిన నెటిజనులు భిన్నంగా స్పందిస్తున్నారు. ఆ కోతి టైమ్ బాగుంది కాబట్టి ఆ పులులకు చిక్కలేదు. లేకపోతే పీక్కుని తినేవని అంటున్నారు. ఆ కొమ్మ విరిగిందంటే.. కోతి వాటికి ఆహారమయ్యేదని అంటున్నారు. ఇంతకీ ఆ కోతి వాటితో ఆటలు ఆడుతోందా? లేదా కొమ్మ చివర నుంచి కిందపడబోయి తన ప్రాణాలను కాపాడుకోడానికి ప్రయత్నిస్తుందా అని మరికొందరు సందేహం వ్యక్తం చేస్తున్నారు. అయితే, వీడియోను పరిశీలనగా చూస్తే.. ఫేక్ అనిపిస్తోంది. పులి పైకి ఎగిరినప్పుడు వాగులోని నీటి మట్టంలో మార్పును చూస్తే.. వీడియోను ఎడిట్ చేసినట్లు తెలుస్తోంది.
వీడియో: Read Also: లిఫ్ట్ ఇస్తాడు, హత్యచేసి.. శవాలతో సంభోగం, తల్లినీ వదలని కామాంధుడు!

Read Also: వామ్మో ‘స్టోన్ మ్యాన్’.. బయట నిద్రిస్తే తలలు చిధ్రం.. 39 దారుణ హత్యలు!