కోతి తోక గడ్డం.. ఇది కొత్త ట్రెండ్ గురూ!

కరోనా వైరస్.. లాక్‌డౌన్.. జనాల్లో చాలా మార్పు తెచ్చింది. అలవాట్లు.. పరిశుభ్రత.. ఆరోగ్యంపై శ్రద్ధ.. ఇంకా చాలా విషయాల్లో మార్పులు కనిపిస్తున్నాయ్. లాక్‌డౌన్‌లో ఖాళీగా ఉండటం వల్ల చాలామంది కొత్త అలవాట్లు, స్టైళ్లు కూడా ప్రయత్నించారు. హెయిర్ స్టైల్ నుంచి మీసం.. గడ్డం వరకు అన్నీ కొత్తగా ట్రైచేశారు. అందులో భాగంగానే ఇప్పుడు సరికొత్త ట్రెండ్ మొదలైంది. అదే ‘మంకీ టైల్ బియర్డ్’.

2020లో మొదలైన ఆ ట్రెండ్.. 2021లోనూ కొనసాగుతోంది. చెప్పాలంటే.. ఇప్పుడిప్పుడే వైరల్‌గా మారుతోంది. గుబురుగా గడ్డాన్ని పెంచుకుని ఒక వైపు నునుపుగా షేవ్ చేసుకుంటే చాలు... కోతి తోక గడ్డం సిద్ధమైపోతుంది. చివరిలో కొద్దిగా షేప్ చేసుకుంటే చాలు. ఈ కొత్త ట్రెండ్ మొదట్లో 2019లో మొదలైంది.
బీఎల్‌బీ బేస్‌బాల్ ప్లేయర్ మైక్ ఫియర్స్ కోతి తోక షేపులో గడ్డాన్ని ట్రిమ్ చేసి ఆకట్టున్నాడు. ఆ తర్వాత ఆ స్టైల్ కాలక్రమేనా కనుమరుగైనా.. ఇటీవల సోషల్ మీడియాలో మళ్లీ ట్రెండవ్వడం మొదలైంది. లాక్‌డౌన్‌లో సెలూన్లకు దూరమై గడ్డాలు పెంచి.. కోతి తోకను ముఖం మీద పెట్టినట్లుగా మలచుకుంటున్నారు.