ఈ కోతులను చూసైనా నేర్చుకోవాలి.. భౌతిక దూరాన్ని ఎంత చక్కగా పాటిస్తున్నాయో!

గుంపులుగా నిలుచుంటే కరోనా కాటేస్తుందని తెలిసినా.. చాలామంది అదేదీ తమకు పట్టనట్లు వ్యవహరిస్తున్నారు. లాక్‌డౌన్ నిబనంధనలు తుంగలోకి తొక్కి బయట తిరుగుతున్నారు. కనీసం భౌతిక దూరం కూడా పాటించకుండా అడవి మనుషుల్లా ప్రవర్తిస్తున్నారు. అలాంటివారికి ఈ కోతులు చెబుతున్న పాఠం ఇది. ‘‘జంతువులం, మేమే భౌతిక దూరం పాటిస్తున్నాం. మనుషులు మీకేమైంది?’’ అన్నట్లుగా ఉన్న ఈ ఫొటోను కేంద్ర మంత్రి కిరెన్ రిజిజు ట్వీట్ చేశారు.

అరుణాచల్ ప్రదేశ్‌లోని భాలుక్పాంగ్‌లో ఈ అరుదైన దృశ్యం కనిపించింది.ఓ వ్యక్తి కోతుల కడుపు నింపేందుకు అరటి పండ్లు, పుచ్చకాయలను రోడ్డుపై పెట్టాడు. వాటిని తినేందుకు వచ్చిన కోతులు దూరం దూరంగా కుర్చున్నాయి. వాటిలో కొన్ని కోతులు పండ్లు తింటుంటే.. మిగతా కోతులు వాటి కోసం ఎంతో ఓర్పుగా ఎదురుచూస్తున్నాయి. దీంతో ఈ ఫొటో క్షణాల్లో వైరల్‌గా మారింది. ఎంతోమంది ఈ కోతులకు ఉన్నంత బుద్ధి మనుషులకు కూడా ఉంటే బాగుంటుందని అంటున్నారు.
Also Read: గొడుగుతో ‘గో-కరోనా’.. ఐడియా అదిరిపోయింది కదూ!