తల్లి ప్రేమ.. తన బిడ్డలను కాపాడుకునేందుకు ట్రాక్టర్‌‌ను ఆపేసిన పక్షి!

తమ బిడ్డలపై తల్లికి ఉండే ప్రేమ వెల కట్టలేనిది. నవమాసాలు మోసి కంటికి రెప్పలా కాపాడుకునే తల్లి.. వారికి ఏ కష్టమొచ్చినా చలించిపోతుంది. తన ప్రాణాలైనా అడ్డేసి వారిని కాపాడుకుంటుంది. ఈ విషయంలో మనుషులైనా, జంతువులైనా ఒకటే. ఇందుకు సోషల్ మీడియాలో వైరల్‌గా చక్కర్లు కొడుతున్న ఈ వీడియోనే నిదర్శనం.

చైనాలోని ఉలన్‌కాబ్ అనే నగరంలో ఓ పొలంలో పక్షి గుడ్లు పెట్టింది. ఎంతో జాగ్రత్తగా ఆ గుడ్లను పొదుగుతున్న సమయంలో అటుగా ఓ ట్రాక్టర్ వచ్చింది. దీంతో ప్రమాదాన్ని గుర్తించిన పక్షి మృత్యువును సైతం లెక్క చేయకుండా ట్రాక్టర్‌కు ఎదురెళ్లింది. డ్రైవర్‌కు కనబడేలా రెక్కలను ఆడిస్తూ అడ్డుగా వెళ్లి నిలుచుంది. ఇది గమనించిన డ్రైవర్ అదంతా వీడియో తీశాడు. అనంతరం దానికి కొన్ని నీళ్లు పోసి వెళ్లాడు. ఈ వీడియోను చూస్తే మీరు కూడా ఆశ్చర్యపోతారు. ఆ పక్షి.. తల్లిప్రేమకు ఫిదా అవుతారు. Note: Photos grabbed from CGTN twitter Video