మతిమరపు మహాతల్లి.. రైల్లో పసిబిడ్డను మరిచిపోయింది, చివరికి..

రైలు, బస్సుల్లో వస్తువులను మరిచిపోయి వెళ్లిపోవడం సహజమే. అయితే, ఆ మహాతల్లి ఏకంగా పసిబిడ్డనే మరిచిపోయి వెళ్లిపోయింది. కొంత దూరం వెళ్లాక.. బిడ్డ కోసం వెతికింది. రైల్లో మరిచిపోయానని తెలిసి.. రైల్వే స్టేషన్‌కు పరిగెట్టింది. అప్పటికే రైలు వెళ్లిపోవడంతో అధికారులకు అసలు విషయం చెప్పి.. బోరున ఏడ్చింది. ఈమె మతిమరపు వల్ల అటుగా వెళ్లే రైళ్లన్నీ ఆలస్యంగా నడిచాయి. ఎందుకంటే.. అధికారులు ఆమె బిడ్డను వదిలేసిన రైలును ముందు స్టేషన్‌లోనే ఆపేసి.. తల్లీ బిడ్డలను కలిపారు.

ఈ ఘటన లండన్‌లోని పెక్కాహ్యామ్ రే (Peckham Rye) రైల్వే స్టేషన్‌లో చోటుచేసుకుంది. తన బిడ్డను రైల్లో మరిచిపోయానని చెప్పిన సమాచారం వినగానే అధికారులు వెంటనే ఆమెను తర్వాతి రైల్లో ప్రయాణించేందుకు అనుమతి ఇచ్చారు. అప్పటివరకు ఆమె బిడ్డ ఉన్న రైలును తర్వాతి రైల్వే స్టేషన్‌లోనే ఆపి ఉంచారు. దీంతో అటుగా వెళ్లే మార్గంలో రైళ్లకు ఆలస్యమైంది. ఈ విషయాన్ని నెటిజనులు సోషల్ మీడియా ద్వారా వెల్లడించారు.

Read Also: మిస్సైన ఆ విమానం 35 ఏళ్ల తర్వాత.. 92 అస్థిపంజరాలతో ల్యాండైంది!

తాము ప్రయాణిస్తున్న రైల్లో ఓ తల్లి పసిబిడ్డను మరిచిపోయిందని, దీంతో రైలు నిలిపేశారని ట్వీట్లు చేశారు. దీంతో నెటిజనులు ఆ తల్లి చేసిన పనికి ఆశ్చర్యం వ్యక్తం చేశారు. రైల్లో ప్రయాణిస్తున్నప్పుడు పిల్లలను చూసుకుంటూ ఉండాలని, ఆమె తన బిడ్డను అలా ఎలా మరిచిపోయిందంటూ ఆశ్చర్యం వ్యక్తం చేశారు. పిల్లల పట్ల అంత నిర్లక్ష్యం తగదంటూ ఆమెను తిట్టిపోస్తున్నారు. రైల్వే అధికారులు కూడా ఈ విషయాన్ని దృవీకరించారు. ఓ మహిళ తన బిడ్డను మరిచిపోవడం వల్ల రైళ్లు ఆలస్యంగా నడిచాయని సౌత్ ఈస్ట్రన్ రైల్వే అధికార ప్రతినిధి వెల్లడించారు.

Watch: భయానకం.. 4 అడుగుల పామును మింగేసిన మహిళ.. ఇలా బయటకు తీశారు