Pics: తల్లి ప్రేమ.. అమర జవాన్‌కి గుడికట్టిన మాతృమూర్తి

అది ఛత్తీస్‌గఢ్... జాష్ పూర్ లోని పెర్వా ఆరా గ్రామం. అక్కడికి వెళ్లిన వారికి... రోడ్డు పక్కన ఓ గుడి లాంటిది కనిపిస్తుంది. అందులో ఏ దేవుడు ఉన్నాడో చూద్దామని వెళ్లిన వారికి... అమర జవాన్ విగ్రహం కనిపిస్తుంది. ఒక్కసారిగా ఆశ్చర్యపోయే వాళ్లు... ఆ జవాన్ ఎవరు... అతనికి గుడి కట్టింది ఎవరు అని తెలుసుకోవాలి అనుకుంటారు. (Mother made a memorial to her son)

ఆ జవాన్ పేరు బాసిల్ తొప్పో (Basil Toppo). ఛత్తీస్‌గఢ్ కి చెందిన పోలీస్ జవాన్. దేశం కోసం ఏదో చెయ్యాలి. తన పుట్టుకకు ఓ అర్థం ఉండాలి అని తపించేవాడు. అనుకున్నట్లుగానే జవాన్ అయ్యాడు. దేశ సేవ చేశాడు. ఐతే... 2011లో జరిగిన విషాదం అతన్ని అమరుడిగా చేసింది. బస్తర్ లో జరిగిన మావోయిస్టుల దాడి (Naxal attack)లో... బాసిల్ తొప్పో ప్రాణాలు విడిచాడు (Police jawan Basil Toppo statue).

కన్నకొడుకు కళ్ల ముందే విగత జీవిగా కనిపించడంతో ఆ తల్లి హృదయం తల్లడిల్లిపోయింది. తన కొడుకు దేశం కోసం ప్రాణాలను త్యాగం చేశాడని గర్వపడాలో... తన కొడుకు తనకు ఇక లేడని విషాదంలో మునిగిపోవాలో ఆ తల్లికి ఆ క్షణం అర్థం కాలేదు. సైన్యం, పోలీసులూ అందరూ అతని సేవల్ని మెచ్చుకున్నారు. సైనికులకు మరణం ఉండదనీ... వారు అమరులనీ కీర్తించారు.

కొడుకు జ్ఞాపకాలతోనే జీవిస్తున్న ఆ తల్లి... అతనికి గుర్తుగా ఓ భవనాన్ని నిర్మించి... అందులో బాసిల్ విగ్రహాన్ని ఏర్పాటు చేయించింది. ఆ విగ్రహంలో తన కొడుకును చూసుకుంటోంది. విగ్రహంపై దుమ్ము పడకుండా... కంటికి రెప్పలా చూసుకుంటున్న ఆమె... తన కొడుకును చూసి తాను గర్విస్తున్నానని తెలిపింది. "తనను చూసి గర్విస్తున్నాను" అని వివరించింది.


బిడ్డ పట్ల ఆ తల్లి చూపించే ప్రేమను వివరిస్తూ... న్యూస్ ఏజెన్సీ ANI... జనవరి 27న పోస్ట్ చేసిన ట్వీట్ ని... IFS ఆఫీసర్ పర్వీన్ కస్వాన్ రీట్వీట్ చేశారు. ఆ తల్లికి వందనాలు అని క్యాప్షన్ ఇచ్చారు.

ANI ట్వీట్ ని 3 గంటల్లో 5వేల మంది దాకా లైక్ చేశారు. "ఆ తల్లిది అపారమైన ప్రేమ, కరుణ" అని ఓ యూజర్ స్పందించగా... "తల్లి తల్లే అని మరోసారి రుజువైంది" అని మరో యూజర్ స్పందించారు. "ఇది ట్వీట్ ఆఫ్ ది డే" అని మరో యూజర్ కామెంట్ ఇచ్చారు.

video: గొయ్యిలో పడిన మేక.. ప్రాణాలకు తెగించి కాపాడిన కుర్రాళ్లు
"ఎంత గొప్ప తల్లి" అని మరో యూజర్ కామెంట్ ఇవ్వగా... "ఆ తల్లికి సలామ్" అని మరో యూజర్ స్పందించారు. "మూడో ఫొటో హృదయాన్ని కదిలించింది" అని మరో యూజర్ కామెంట్ ఇచ్చారు. "మేమంతా మీ కొడుకును చూసి గర్వపడుతున్నాం. జై హింద్" అని మరో యూజర్ కామెంట్ ఇచ్చారు.