National Summit Day : శిఖరాగ్ర దినోత్సవం .. ఏంటిది? ఎందుకు?

National Summit Day : గ్రీస్ దేశం తెలుసుగా.. అక్కడ 100 ఏళ్లకు పైగా బతికిన ఓ పెద్దాయన (ఇప్పుడు లేడు)ను విదేశీ రిపోర్టర్లు కలిశారు. న్యూయార్క్ డాక్టర్లు మీరు క్యాన్సర్‌తో చనిపోతారని అన్నారు. మరి మీరేమో... క్యాన్సర్ తగ్గించుకొని.. వందేళ్లకు పైగా బతికారు. ఇదెలా సాధ్యమైంది? అని అడిగారు. అప్పుడాయన చెప్పిన విషయం.. ప్రపంచాన్ని ఆశ్చర్యపరిచింది. ఆ ముసలాయన జీవించే ప్రాంతంలో... చిన్న చిన్న కొండలు ఉంటాయి. రోజూ పనికి వెళ్లేందుకు ఆయన ఆ కొండలు ఎక్కి, దిగి వెళ్లేవాడు. ఇలా స్థానికులు రోజూ ఏడెనిమిది కొండలు ఎక్కి దిగుతున్నారు. అందువల్ల అక్కడి వారికి రోగాలేవీ రావట్లేదు. పైగా అందరూ వందేళ్ల దాకా బతుకుతున్నారు. గ్రీస్ లోని ఆ దీవి పేరు.. ఇకారియా (Ikaria). కొండలు ఎక్కి, దిగడం వల్ల చాలా రోగాలు నయం అవుతున్నాయని పరిశోధనల్లో తేలింది. ఎందుకంటే.. కొండ ఎక్కినా, దిగినా.. మన బాడీలో వేడి బాగా పెరుగుతుంది. దాంతో కొవ్వు కరిగిపోతుంది. రక్తప్రసరణ బాగా జరిగి.. గుండె పనితీరు మెరుగవుతుంది. ఇంకా చాలా ప్రయోజనాలు ఉన్నాయి. ఇలాంటి లాభాలు ఉండబట్టే... జాతీయ శిఖరాగ్ర దినోత్సవాన్ని ప్రతీ సంవత్సరం ఆగస్ట్ మొదటి శనివారం జరుపుతున్నారు. మరి దీని చరిత్ర, కొన్ని నిజాలను తెలుసుకుందాం.

విశాలతత్వం మానసిక ఉల్లాసం (National Summit Day Significance) :
మీరు కొండ కింద నుంచి ప్రపంచాన్ని చూసిన దానికీ.. కొండ పైకి అక్కడి నుంచి చూసిన దానికీ తేడాను గమనించే ఉంటారు. కొండపైకి ఎక్కగానే విశాలమైన ప్రపంచం కనిపిస్తుంది. పంట పొలాలు, గ్రీనరీ, కొండలు గుట్టలు, దూరంగా ఆకాశం, నేలా కలిసిపోయినట్లు ఉండే దృశ్యం మనోహరంగా ఉంటుంది. ఇది మానసిక ఉల్లాసం తెస్తుంది. టెన్షన్లను తగ్గించే శక్తి... ఆ విశాల తత్వానికి ఉంది. అందుకే చాలా మంది పర్వతాలపైకి ఎక్కుతారు. ఆ థ్రిల్ పొందుతారు. జాతీయ శిఖరాగ్రహ దినోత్సవాన పర్వతాలపైకి ఎక్కేవారిని గుర్తుచేసుకుంటారు. వారి రికార్డులపై మాట్లాడుకుంటారు.


ఇవాళ ఇలా చెయ్యొచ్చు (What to do on National Summit Day) :
ఇవాళ వీకెండ్ కాబట్టి.. మీకు పని ఏదీ లేకపోతే... కాస్త టైమ్ కేటాయించుకొని.. మీకు దగ్గర్లో ఉన్న ఏదైనా ఎత్తైన ప్రదేశానికి వెళ్లండి. అక్కడ కాసేపు చల్లగాలిని పీల్చుకోండి. కాసేపు ప్రకృతిని పరిశీలనగా చూడండి అని నిపుణులు చెబుతున్నారు. ఏదో ఒకటి చేసి.. ఇవాళ మాత్రం ఔట్‌డోర్లకు వెళ్లమని సూచిస్తున్నారు. మీకు దోస్తుల టీమ్ ఉంటే... అందరూ కలిపి చిన్న సాహసం ఏదైనా చెయ్యొచ్చని చెబుతున్నారు. ఫీట్లు, సాహసాలు చేసేటప్పుటు తగిన జాగ్రత్తలు తీసుకోవాలని సూచిస్తున్నారు. పర్వతాలు, కొండలు ఎక్కడం అంత ఈజీ కాదు. వాటికి ట్రైనింగ్ ఇచ్చేవారు ఉంటారు. వీలైతే అలాంటి కోర్స్ నేర్చుకోమని నిపుణులు చెబుతున్నారు.

ఇప్పుడే మొదలైన చరిత్ర (National Summit Day History) :ఈ దినోత్సవానికి పెద్దగా చరిత్ర లేదు. 2017లో బ్యాక్ ప్యాకర్ (Backpacker) మేగజైన్.. ఈ జాతీయ శిఖరాగ్ర దినోత్సవాన్ని సెలబ్రేట్ చేసింది. శిఖరాగ్రాలను చేరిన పర్వతారోహకుల్ని స్మరించింది. ఆ తర్వాత ఏటా ఈ రోజును జరుపుకుంటున్నారు. అందువల్ల మీరు ఎక్కడికి వెళ్లినా... మెట్లు, గుట్టలు, కొండలు ఎక్కే ఛాన్స్ ఉంటే.. ఎక్కేందుకే ప్రయత్నించండి. ఆరోగ్యాన్ని పెంచుకోండి.