video: వామ్మో.. ఆకాశంలో రోప్ వాకింగ్.. గిన్నీస్ వరల్డ్ రికార్డ్ బ్రేక్

మనలో కొంత మంది నేలపైనే సరిగా నడవలేరు. కొంత మంది తాడుపై నడిచి అద్భుత విన్యాసాలు ప్రదర్శిస్తారు. ఇంకొంత మంది ఎవరూ చెయ్యలేని విధంగా సాహసాలు చేస్తారు. వారి ధైర్యసాహసాల ముందు ప్రపంచ రికార్డులు కూడా తలవంచుతాయి. అలాంటి ఓ అద్భుతమైన గిన్నీస్ వరల్డ్ రికార్డును సాధించి చూపించాడు రఫాయిల్ జుగ్నో. ఇప్పుడు అతని వీడియో... సోషల్ మీడియాలో దుమ్ము రేపుతోంది. అతని ఫీట్ వీడియోని.. ప్రజలు ఊపిరి బిగపట్టుకొని చూస్తున్నారు. మరి ఆ వీడియో మనం కూడా చూద్దామా.

Samayam Telugu 8 Apr 2022, 4:22 pm

గిన్నీస్ వరల్డ్ రికార్డ్స్ (Guinness World Records) మనందరికీ నచ్చుతాయి. ఎందుకంటే అవి అత్యంత అద్భుతంగా, చూపు తిప్పుకోనివ్వలేని రేంజ్‌లో ఉంటాయి. కొత్త రికార్డులు నమోదవ్వడమే కాదు... పాత రికార్డులను బ్రేక్ చేస్తున్నారు కొందరు. తద్వారా మరింత సాహసోపేతమైన రికార్డులు నమోదవుతున్నాయి. వారి సాహసాలు, ధైర్యం, పట్టుదల, సంకల్పం ముందు రికార్డులు తలవంచుతున్నాయి. ఆకాశమే హద్దుగా విజయం సాధిస్తున్నారు. ఇప్పుడు మనం చెప్పుకునే రఫాయిల్ జుగ్నో బ్రిడీ (Rafael Zugno Bridi) కూడా ఆకాశమే హద్దుగా చెలరేగాడు. (new world record)

ఆకాశంలో స్లాక్‌లైన్ వాక్ (image credit - instagram - guinnessworldrecords)

రఫాయిల్.. మేఘాలకు పైన ఎగురుతున్న రెండు హాట్ ఎయిర్ బెలూన్ల మధ్య తాడును వేలాడ దీసుకొని... ఆ తాడుపై నడుస్తూ వెళ్లాడు. అంత పైన బెలూన్ నుంచి కిందకు చూస్తేనే కళ్లు తిరుగుతాయి. అలాంటి చోట... తాడుపై నడవడం (Rope Walk) మామూలు విషయమా. పైగా ఆ తాడు కూడా కుదురుగా ఉండదు. రెండు హాట్ బెలూన్ల మధ్య అది ఊగిసలాడుతూ ఉంటుంది. అలాంటి చోట నడక అంటే ప్రాణాలకే ప్రమాదం. కానీ అతను సాధించి చూపించాడు. ఒక బెలూన్ నుంచి మరో బెలూన్‌కి తాడుపై నడుస్తూ వెళ్లాడు.

videos: పెళ్లికొచ్చాడు.. వరుడి పక్కనే కూర్చున్నాడు.. అంతపని చేశాడు
భూమికి 6,236 అడుగుల ఎత్తులో స్లాక్‌లైన్ వాక్ (slackline walk) పాత రికార్డును బ్రేక్ చేశాడు రఫాయిల్. అతను ఈ ఫీట్ చేసిన వీడియో.. ఇన్‌స్టాగ్రామ్‌లోని గిన్నీస్ వరల్డ్ రికార్డ్స్ పేజీలో కొన్ని సెకండ్ల నిడివితోనే ఉంది కానీ.. నెటిజన్లు ఫిదా అయిపోయారు. ఇప్పటికే ఆ వీడియోని 3 రోజుల్లో 76 వేల మందికి పైగా లైక్ చేశారు. "ఇది నమ్మలేని ధైర్యవంతమైన ఫీట్. దీన్ని సాధించడం ద్వారా ప్రపంచంలోనే ఒంటరిగా ఎత్తైన స్లాక్‌లైన్ వాక్ చేసిన వ్యక్తిగా రఫాయిల్ నిలిచాడు" అని గిన్నీస్ వరల్డ్ రికార్డ్ వారు వీడియో క్యాప్షన్‌లో తెలిపారు.

ఆ వీడియోని ఇక్కడ చూడండి (viral video)

బ్రిడీ ఈ ఫీట్‌ని బ్రెజిల్ లోని శాంటా కాటరీనాలో చేశాడు. ప్రపంచంలోనే అతి ఎత్తైన భవనం బుర్జ్ ఖలీఫా కంటే రెట్టింపు ఎత్తులో అతను ఈ నడక సాగించాడు. గాలిలో తేలుతున్న ఫీలింగ్‌ని ఇష్టపడుతూ దీన్ని సాధించాడు. అందుకే నెటిజన్లకు ఈ ఫీట్ బాగా నచ్చింది. "మేము ఆశ్చర్యపోతున్నాం" అని ఓ యూజర్ కామెంట్ ఇవ్వగా... "ఇప్పుడు ఇదీ రికార్డ్" అని మరో యూజర్ స్పందించారు.

video: తెలివైన పని.. దొంగలకు దిమ్మతిరిగేలా చెక్.. వీడియో చూడండి
"దీన్ని చూస్తుంటేనే నా కాళ్లు వణుకుతున్నాయి" అని మరో యూజర్ స్పందించగా... "హాట్సాఫ్" అని నాలుగో యూజర్ మెచ్చుకున్నారు. మీకూ అలాగే అనిపిస్తోందా?

video: వామ్మో.. ఆకాశంలో రోప్ వాకింగ్.. గిన్నీస్ వరల్డ్ రికార్డ్ బ్రేక్

తరవాత కథనం