Uttar Pradesh: తొలి రాత్రే ఆమెకు కాళరాత్రయ్యింది!

ఎన్నో ఆశలతో కొత్త జీవితంలోకి అడుగుపెట్టిన ఆ వధువు తొలి రాత్రే తనకు కాళరాత్రి అవుతుందని ఊహించలేదు. ఎంతో సంతోషంగా పడగ గదిలో అడుగుపెట్టిన ఆమె.. ఉదయం చేదు వార్తతో నిద్రలేచింది. తన పక్కనే ఉండాల్సిన వరుడు.. పక్క గదిలో ఉరి వేసుకుని ఆత్మహత్య చేసుకున్నాడని తెలిసి ఆమె గుండెలవిసేలా ఏడ్చింది. ఇంతకీ ఏం జరిగింది? ఆ వరుడు ఎందుకు ఆత్మహత్య చేసుకున్నాడు?

ఉత్తరప్రదేశ్‌లోని బందాలో చోటుచేసుకున్న ఈ ఘటన పూర్తి వివరాలు ఇలా ఉన్నాయి. వికాశ్ (28) ఈ ఫిబ్రవరి 21న నిర్మలా అనే యువతిని పెళ్లి చేసుకున్నాడు. 22న నిర్మలా.. వరుడు వికాశ్ ఇంటికి వచ్చింది. తొలిరాత్రి సందర్భంగా వధువరులు ఇద్దరిని పడగదిలో వదిలి కుటుంబికులంతా బయటకు వెళ్లారు.

నిర్మలా ఉదయం నిద్రలేచి చూసేసరికి పక్కనే ఉండాల్సిన వికాశ్ కనిపించలేదు. దీంతో అంతా వికాశ్ కోసం గాలించారు. పడగ గది పక్కనే ఉన్న గది లోపల నుంచి గడియ పెట్టి ఉండటంతో దాన్ని బద్దల కొట్టగా సీలింగ్ ఫ్యాన్‌కు ఉరివేసుకున్న వికాశ్ కనిపించాడు. ఈ సమాచారం అందుకున్న పోలీసులు హుటాహుటిన అక్కడికి చేరుకుని శవాన్ని స్వాధీనం చేసుకున్నారు.

వికాశ్ ఎందుకు చనిపోయాడనేది తెలియరాలేదు. ఆ రోజు రాత్రి వికాశ్ తనతో పెద్దగా మాట్లాడలేదని నిర్మలా తెలిపింది. తాను మార్చిలో రాయబోయే పరీక్ష గురించి మాత్రమే వికాశ్ అడిగాడని, ఆ తర్వాత ఇద్దరం నిద్రపోయామని పేర్కొంది. వికాశ్ తన ఫోన్‌ను ఆమె వద్దే వదిలి వెళ్లాడని, తెల్లవారుజాము 3-5 గంటలకు అతని వదిన నుంచి ఫోన్ కాల్చ్ వచ్చాయని పేర్కొంది. వికాశ్‌కు ఎవరితోనూ గొడవలు లేవని, అతను ఎందుకు ఆత్మహత్య చేసుకోవల్సి వచ్చిందో తెలియరావడం లేదని అతని కుటుంబ సభ్యులు వాపోతున్నారు. పెళ్లైన ఒక రోజులోనే నిర్మలా భర్తను కోల్పోయి వితంతువు కావడంపై విచారం వ్యక్తం చేస్తున్నారు.