అదిగో మేఘ చిరుత.. భలే ఉంది కదూ.. ఏంటి దాని ప్రత్యేకత?

జనరల్‌గా చిరుతపులికి... ఒళ్లంతా చుక్కలు ఉంటాయి. ఇది చూశారా... దీనికి చారలు ఉన్నాయి. అవి కూడా ప్రత్యేకమైన మేఘాల లాగా, సముద్ర అలల లాగా ఉన్నాయి. ఈ చిరుతను మేఘ చిరుత (clouded leopard) అంటారు. ఈశాన్య రాష్ట్రమైన నాగాలాండ్‌లోని పర్వతాల్లో తొలిసారి ఈ చిరుతలు కనిపించాయి. కొంతమంది పరిశోధకులు అక్కడ పరిశోధనలు చేస్తుండగా... ఈ చిరుతలు వచ్చిన విషయం తెలిసింది. ఇందుకు సంబంధించిన ఫొటోలను ప్రపంచానికి ఆధారాలుగా చూపించారు. భారత్-మయన్మార్ సరిహద్దుల్లో... స్థానికులు కాపాడుకుంటున్న అడవిలో ఇవి కనిపించాయి (clouded leopard in nagaland).

ఈ చిరుతలు సముద్ర మట్టానికి 3,700 మీటర్ల ఎత్తులో కనిపించాయి. ఇప్పటివరకూ ప్రపంచంలో ఎక్కడా అంత ఎత్తులో చిరుతలు కనిపించలేదట. క్యాట్ న్యూస్‌కి చెందిన వింటర్ 2021 ఇష్యూలో... పరిశోధకులు ఈ విషయాన్ని ప్రచురించారు. ఈ క్యాట్ న్యూస్ అనేది... వన్యమృగాలకు సంబంధించిన సంస్థ.

ఏంటి వీటి ప్రత్యేకత (clouded leopard features):
పెద్ద పులుల జాతిలో ఇవి చిన్న పులులు అంటున్నారు. వీటి సైంటిఫిక్ పేరు నియోఫెలిస్ నెబులోసా (Neofelis nebulosa). మిగతా చిరుతల లాగే ఇవి కూడా చెట్లు ఎక్కగలవు. వీటిని అత్యంత అరుదైనవిగా గుర్తిస్తూ... IUCN... రెడ్ లిస్టులో పెట్టింది (clouded leopards in india).

ఈ చిరుతలకు సంబంధించిన ఫొటోలు ఇప్పుడు సోషల్ మీడియాలో వైరల్ అవుతున్నాయి. వాటిని నాగాలాండ్ తూర్పున ఉన్న కిఫిరే జిల్లాలోని.. థనమీర్ గ్రామం కాపాడుతున్న అడవిలో క్యాప్చర్ చేశారు. స్థానిక ప్రజలు ఈ చిరుతలను ఖెఫాక్ (Khephak) అంటారు. అంటే... బూడిదరంగులో ఉండే చిరుతలు.

పరిశోధకుల అంచనా ప్రకారం... ఆ అడవిలో... రెండు పెద్ద మేఘ చిరుతలు, రెండు పిల్లలు ఉన్నాయి. సరమతి పర్వతంపై 3,700 మీటర్ల ఎత్తులో ఏర్పాటు చేసిన కెమెరాకి ఓ మేఘ చిరుత చిక్కింది. మరో వ్యక్తి 3,436 మీటర్ల ఎత్తులో తనకు కనిపించిన మేఘ చిరుతను ఫొటో తీశారు.

"ఈ చిరుతల గురించి తెలిసింది తక్కువే. ఎందుకంటే ఇవి అరుదుగా ఉండటమే కాదు... దాదాపు కనిపించవు. ఎక్కువగా వర్షాలు బాగా పడే అడవుల్లో తిరుగుతాయి. వీటికి చెట్లు ఫుల్లుగా ఉండకపోతే నచ్చదు. అలాంటిది ఇప్పుడు చెట్లు లేని ప్రాంతంలో ఇవి కనిపించాయి. గుబురుగా ఉండే చెట్లను దాటి ఇవి బయటకు వచ్చాయి" అని అరుణాచల్ ప్రదేశ్‌లో పర్యావరణాన్ని పరిశిలీంచే నిఝావన్ తెలిపారు.

viral video: అడవిపంది కోసం సింహాల ప్లాన్.. వ్యూహాత్మకం
"ఇప్పుడు రెండు పెద్ద చిరుతలు, రెండు పిల్లలు కనిపించాయంటే దానర్థం... అవి అక్కడ నివాసం ఏర్పరచుకున్నాయని. వాటికి సరిపడా ఆహారం దొరుకుతోంది. అక్కడున్న అడవి వాటికి నచ్చింది" అని నిఝావన్ వివరించారు.

నదిలోపల ఆ నౌక.. మహా ప్రళయానికి దారితీస్తుందా?
మొత్తానికి ఇలాంటి అరుదైన మేఘ చిరుత పులులు ఇండియాలో కనిపించడంతో ఇక్కడి పర్యావరణ వేత్తలు, జంతు ప్రేమికులు హర్షం వ్యక్తం చేస్తున్నారు.