కరోనా దెబ్బ: బిడ్డను ప్రసవించి.. గతం మరిచిపోయిన తల్లి

కరోనా కాలంలో ఎటూచూసినా, ఎవరిని కదిపినా గుండె బరువెక్కించే విషాద ఘటనలే. ప్రపంచంలో ఎవరో ఒకరు ఏదో ఒక రూపంలో కరోనాతో సమస్యలు ఎదుర్కొంటున్నారు. ఇంకా ఎన్నాళ్లు ఈ తిప్పలంటూ కన్నీళ్లు పెట్టుకుంటున్నారు. న్యూయార్క్‌లోని బ్రూక్లేన్‌లో చోటుచేసుకున్న ఈ ఘటన గురించి తెలిస్తే తప్పకుండా కళ్లు చెమ్మగిల్లుతాయి.

Read Also: పురిటి నొప్పులతో ఒకే వార్డులో భార్య, ప్రియురాలు.. భర్త బలి!

బ్రూక్‌డాలే యూనివర్శిటీ హాస్పిటల్ మెడికల్ సెంటర్‌లో లేబర్ అండ్ డెలివరీ నర్సుగా పనిచేస్తున్న సెల్వియా (35)కు గర్భవతిగా ఉన్నప్పుడే కరోనా సోకింది. వైరస్‌కు చికిత్స పొందుతున్న రెండు వారాల తర్వాత ఏప్రిల్ 12న గుండె నొప్పితో బాధపడింది. ఆ సమయానికి ఆమె 30 వారాల గర్భవతి. ఆమె సాధారణ స్థితికి చేరిన తర్వాత వైద్యులు సిజేరియన్ ద్వారా బిడ్డను బయటకు తీశారు.

Read Also: 16 ఏళ్లుగా భార్య శవం పక్కనే నిద్ర.. ఇది ఓ భర్త ప్రేమ కథ!
ఈ సందర్భంగా ఆమె ఆక్సిజన్ లేకుండా నాలుగు నిమిషాలు ఉండాల్సి వచ్చింది. దీనివల్ల ఆమె మెదడుకు గాయమైంది. ఫలితంగా ఆమె గతాన్ని మరిచిపోయింది. కనీసం తాను గర్భవతినని, తనకు వైరస్ సోకి హాస్పిటల్‌లో ఉన్నానని కూడా తెలీదు. బిడ్డకు జన్మనిచ్చావని చెప్పినా.. ఆమెలో ఎలాంటి చలనం కనిపించలేదు. మౌనంగా బిత్తర చూపులు చూస్తున్న ఆమెను చూసి వైద్యులు షాకయ్యారు. ప్రస్తుతం ఆమె జ్ఞాపకశక్తిని తిరిగి తెచ్చేందుకు వైద్యులు ప్రయత్నిస్తున్నారు. సెల్వియా తన భర్త, మూడేళ్ల కుమారిడిని సైతం గుర్తుపట్టలేక అవస్థ పడుతోంది. ఆమె త్వరగా కోలుకుని పసిబిడ్డను అక్కున చేర్చుకోవాలని కోరుకుందాం.

Read Also: ఊడిన అంగం.. చేతికి మొలిచింది, ప్రపంచంలోనే అద్భుతం!

ప్రపంచంలోని కనీవినీ ఎరుగని వింతలు, విశేషాలను వేగంగా.. వివరంగా తెలుసుకోడానికి సమయం ‘వైరల్ అడ్డా’ను రోజూ మిస్ కాకుండా చూడండి.