Watch: విమానానికి అడ్డంగా వెళ్లి.. నడుం విరగొట్టుకున్నాడు!

టేకాఫ్ అవుతున్న విమానం వీడియో తీయాలనే ఉత్సాహం అతడి నడుం విరగొట్టింది. బ్రెజిల్‌లోని తుర్మాలినా పార్క్‌లో ఈ ఘటన చోటుచేసుకుంది. సోషల్ మీడియాలో వైరల్‌గా మారిన ఈ వీడియోలో ఓ వ్యక్తి రన్‌వేపై నుంచొని టేకాఫ్ అవుతున్న ఎరుపు రంగు ఎయిర్‌క్రాఫ్ట్‌కు వీడియో తీస్తున్నాడు.

అయితే, తన మొబైల్‌లో వీడియో చూస్తూ రన్నింగ్‌లో విమానాన్ని సమీపించాడు. దీంతో విమానం రెక్క అతడి నడుముకు బలంగా తగిలింది. దీంతో అతడు కిందపడిపోయాడు. ఈ ప్రమాదంలో విమానం రెక్క కూడా పక్కకు వంగిపోయింది. అక్కడే ఉన్న బాధితుడి స్నేహితులు వెంటనే ఆసుపత్రికి తరలించారు. నడుము వద్ద తీవ్రమైన గాయలైనట్లు వైద్యులు ఈ సందర్భంగా తెలిపారు. ఆ విమానం యుఫ్రోసియో స్థానిక వ్యాపారవేత్తదని తెలిసింది. ప్రమాదం తర్వాత ఆ విమానం కొద్ది దూరం వెళ్లి ఆగిపోయింది.