రెండు కర్బూజాల ధర రూ.31.6 లక్షలు మాత్రమే, ఎందుకంటే..

ఒక కర్బూజ కొనాలంటే ఎంత చెల్లిస్తారు? కాయ ఒకటి రూ.50? ఉంటుంది, లేదా రూ.100? లేదంటే రూ.200 వరకు ఉంటుంది. అంతేగానీ లక్షలాది రూపాయాలు పెట్టి కొనగలమా? కానీ.. అక్కడ మాత్రం కొంటారు. జపాన్‌లోని యుబారీ నగరంలో రెండు కర్బూజాలు రూ.45,600 డాలర్లకు (భారత కరెన్సీలో రూ.31.6 లక్షలు)కు అమ్ముడుపోయాయి.

వీటిని వేలం వేసి మరీ కొనుకున్నారు. అంత ధర ఉంది కాబట్టి.. ఆ కాయల్లో ఏదో ప్రత్యేకత ఉందని అనుకుంటే పొరపాటే. అది సాదాసీదా కర్బూజా కాయలే. అయితే, వాటి రుచి చాలా బాగుంటుంది. వేసవిలో సూర్మరశ్మి, పొడి వాతావరణంలో వీటిని పండిస్తారు. దీంతో ఇవి చాలా గుండ్రంగా, నాణ్యంగా పెరుగుతాయి.
ఈ కాయల బరువు 0.5 నుంచి 5 కిలోగ్రాములు వరకు ఉంటుంది. వీటితో సలాడ్స్ చేసుకుంటారు. ఐస్‌క్రీమ్‌తో కలిపి మరీ తింటారు. ఆ దేశంలో వ్యవసాయ సీజన్‌లో తొలి పంటను వేలం వేయడం ఆనవాయితీ. ఇందులో భాగంగా కర్బూజాలను కూడా వేలం వేశారు. దీంతో అవి అంత ధర పలికాయి. తొలి వేలంలో కొనుగోలు చేసిన ఆ కాయలను మే 29న ప్రజల సందర్శన కోసం ఉంచుతారు.
Photo credit: The Straits Times