టమోటాలనే ఆభరణాలుగా ధరించిన వధువు.. పాక్ ప్రభుత్వానికి ఝలక్!

పెళ్లంటే.. ఏ దేశంలోనైనా పండగే. ఆ రోజు వస్తుందంటే.. కొత్త దుస్తులు, నగలు కొనుగోళ్లతో అంతా బిజీగా ఉంటారు. అయితే, పాకిస్తాన్‌లోని ఆ పెళ్లికి వెళ్లిన అతిథులు వధువును చూసి షాకయ్యారు. మెడలో నగలతో కనిపించాల్సిన వధువు టమోటాల దండంలతో కనిపించడం చూసి ఆశ్చర్యపోయారు.

Also Read: శవపేటికలో పడుకుని పెళ్లికి వచ్చిన వధువు.. షాకైన అతిథులు

కేవలం మెడలోనే కాదు.. చేతికి, చెవులకు సైతం టమోటాలనే ధరించిన ఆమెను చూసి నవ్వు ఆపుకోలేకపోయారు. అసలు విషయం తెలిసి ఆమెను ప్రశంసలతో ముంచెత్తారు. ఈ వీడియోను పాకిస్తాన్ జర్నలిస్ట్ నైలా ఇనాయత్ ట్విట్టర్‌లో పోస్టు చేసింది. దీంతో అది క్షణాల్లో వైరల్‌గా మారింది. ప్రభుత్వానికి భలే బుద్ధి చెప్పావ్ అంటూ అంతా ఆ వధువును మెచ్చుకుంటున్నారు.

Also Read: కైలాశ ఆలయ రహస్యం.. దీన్ని మనుషులు నిర్మించలేదా? ఆ గుహల దారి ఎటు?

ఎందుకలా?: ఇండియాలో ఉల్లి ధరల తరహాలోనే.. ప్రస్తుతం పాకిస్తాన్‌లో టమోటా ధరలు ఆకాశాన్ని అంటుతున్నాయి. దీంతో ఆ వధువు నగలకు బదులు టమోటాలనే ఆభరణాలుగా ధరించింది. పాక్‌లో నగలు కంటే టమోటాలే ఖరీదైనవే అని వ్యంగ్యంగా చెప్పేందుకు ఆ వధువు అలా తయారైంది. ఈ సందర్భంగా ఆమె మాట్లాడుతూ.. ‘‘బంగారం ధర చాలా ఎక్కువ. టమోటాల ధరలు కూడా అవే స్థాయిలో ఉన్నాయి. బంగారానికి, వాటికి పెద్దగా తేడాలేదనే ఉద్దేశంతో టమోటాలనే ఆభరణగాలుగా ధరించాను’’ అని తెలిపింది. పాక్‌లో టమోట ధరలపై ఆ వధువు నిరసన ప్రభుత్వాన్ని సైతం కదిలించింది. కానీ, ధరల నియంత్రణ తమ వల్ల కాదని చేతులెత్తేసింది. ప్రస్తుతం పాకిస్తాన్‌లో టమోటాల హోల్‌‌సేల్ ధరలు కిలో రూ.200, బయటి మార్కెట్లో కిలో రూ.300 ఉన్నట్లు స్థానిక వార్తా సంస్థలు తెలిపాయి.

టమోటా ఆభరణాలను ధరించి వధువు వీడియో: