లాక్‌డౌన్ ఎత్తేశారని.. రోడ్డుపైకి వచ్చి ముద్దులు, సంబరాలు

కరోనా వైరస్ నేపథ్యంలో ప్రపంచంలోని చాలా దేశాలు లాక్‌డౌన్ బాట పట్టాయి. ఫలితంగా ఆ దేశాలు కరోనా నుంచి వేగంగానే కోలుకున్నాయి. వైరస్ కేసులు కూడా గణనీయంగా తగ్గాయి. దీంతో అంతా సంబరాలు చేసుకుంటున్నారు. తాజా స్పెయిన్‌లో కోవిడ్-19 కేసులు తగ్గుముఖం పట్టడంతో లాక్‌డౌన్ ఎత్తేశారు. సుమారు ఆరు నెలలు నుంచి ఇళ్లకే పరిమితమైన ప్రజలు.. ఈ సమాచారం తెలియగానే ఆనందంలో మునిగిపోయారు. వీధుల్లోకి వచ్చి చిందులేశారు.

స్పెయిన్‌లో గత ఏడాది అక్టోబరు నెల నుంచి లాక్‌డౌన్ నిబంధనలు దశలవారీగా అమల్లోకి వచ్చాయి. ఇటీవల కొన్ని షరతులతో లాక్‌డౌన్‌కు సడలింపు విధించారు. ప్రజలు ఒక ప్రాంతం నుంచి మరో ప్రాంతానికి వెళ్లేందుకు అనుమతి ఇచ్చారు. ఈ దేశంలో కొన్ని నెలల్లోనే వ్యాక్సినేషన్ ప్రక్రియ ముగించారు. ఫలితంగా వైరస్ బాధితుల సంఖ్య కూడా తగ్గుముఖం పట్టింది. వైరస్ కూడా దాదాపు కనుమరుగైంది.
ఈ సందర్భంగా కొన్ని జంటలు వీధుల్లోకి వచ్చి ముద్దులు పెట్టుకుంటూ సంతోషాన్ని వ్యక్తం చేశారు. కొందరైతే మాస్కులు లేకుండానే వీధుల్లోకి వచ్చారు. బర్సిలోనాలో బీచ్‌లు జనాలతో కిక్కిరిశాయి. కొన్ని నెలలుగా మూతపడిన బార్లు, రెస్టారెంట్లు కూడా తెరుచుకున్నాయి. రాత్రి 11 గంటల వరకు తెరిచి ఉంచేందుకు అనుమతి ఇచ్చారు. అయితే, స్పెయిన్‌లోని నాలుగు ప్రాంతాల్లో మాత్రం ఇంకా లాక్‌డౌన్ కొనసాగుతోంది. బాలేరిక్ ఐలాండ్, క్యానరీ ఐలాండ్, నవర్రా, వాలెన్సియా ప్రాంతాల్లో కర్ఫ్యూ అమల్లో ఉంది. స్పెయిన్ తరహాలోనే ఇండియాలో కూడా కరోనా పూర్తిగా కనుమరుగు కావాలని కోరుకుందాం.