దివ్యాంగుడు.. చేతులతో నడిచి గిన్నీస్ రికార్డ్.. సలాం కొడుతున్న నెటిజన్లు

మీకు ఎవర్నైనా మెచ్చుకోవాలి అని అనిపిస్తే... జియోన్ క్లార్క్ (Zion Clark)ని మెచ్చుకోండి. ఈ 23 ఏళ్ల దివ్యాంగుడు వరల్డ్ రికార్డ్ సాధించాడు. వార్తల్లోకి ఎక్కాడు. తనకు కాళ్లు లేకోపోయినా.. ఏదో ఒకటి సాధించాలనే అతని పట్టుదల ముందు గిన్నీస్ రికార్డ్ (guinness world record) తలవంచింది. "ఎక్కు తొలిమెట్టు... కొట్టు కొండను ఢీకొట్టు" అన్నట్లుగా... రికార్డుపై గురిపెట్టాడు. 20 మీటర్ల దూరాన్ని చేతులతో వేగంగా నడిచి... తన పేరున కొత్త రికార్డ్ రాసుకున్నాడు. ఈ ఫీట్‌ని అతను జస్ట్ 4.76 సెకండ్లలో పూర్తి చేశాడు.

జియోన్ క్లార్క్‌ ఫీట్‌ని గిన్నీస్ బుక్ వారు... ఇన్‌స్టాగ్రామ్‌లోని తమ అకౌంట్లో పోస్ట్ చేశారు (Zion Clark video).

ఆ వీడియోని ఇక్కడ చూడండి.


జియోన్ క్లార్ జీవితం గురించి తెలుసుకుంటే మనకు కన్నీరు ఆగదు. అతను దివ్యాంగుడు అవ్వడానికీ, రెండు కాళ్లూ లేకపోవడానికి ఏ రోడ్డు ప్రమాదమో కారణం కాదు. అమెరికా... ఒహియోకి చెందిన అతను... కాడల్ రిగ్రెషన్ సిండ్రోమ్ (Caudal Regression Syndrome) తో బాధపడుతున్నాడు. ఇదో రకమైన సమస్య. ఇది ఉన్నవారికి నడుం నుంచి కింది భాగం పెరగదు. వెన్నెపూస కింద నుంచి ఎముకలు ఉండవు.

సమస్యే పెద్దదే అయినా క్లార్క్ దానికి తలవంచలేదు. ఎవరి పైనా ఆధారపడకూడదని అనుకొని పట్టుదలతో రెజ్లర్‌ (wrestler) అయ్యాడు. స్పోర్ట్స్‌లో సత్తా చాటుతున్నాడు.

ఫిబ్రవరి 2021లో క్లార్క్... మొదటిసారి చేతులతో పరుగెత్తి రికార్డ్ సాధించాడు. ఒహియోలోని మస్సిల్లాన్ హై స్కూల్ జిమ్‌లో అతను జస్ట్ 4.78 సెకండ్లలో 20 మీటర్ల దూరాన్ని చేతులతో పరుగెత్తాడు. మెరుపులా వెళ్లిన అతని స్పీడ్ చూసి అంతా ఆశ్చర్యపోయారు. అతనిలో ఎంత పట్టుదల ఉందో అప్పుడు అర్థమైంది. అప్పట్లో ఆ రికార్డును సంస్థ వెబ్‌సైట్‌లో రాసి ఉంచింది.

రైల్వే గేట్ క్లోజ్.. అయినా దూసుకొచ్చాడు.. షాకింగ్ వీడియో

"ఇప్పుడు నేను అధికారికంగా గిన్నీస్ వరల్డ్ రికార్డ్ హోల్డర్‌ని అని ప్రకటించగలుగుతున్నాను. 20 మీటర్ల దూరాన్ని చేతులతో అత్యంత వేగంగా పరుగెత్తిన వాణ్నిగా నా పేరున రికార్డ్ వచ్చింది. ఇది నాకు చాలా గొప్ప విజయం. 2021 ఎడిషన్ మెయిన్ ఫీచర్లలో నేను కూడా ఉన్నాను. మీరు తప్పకుండా ఆ కాపీ తీసుకుంటారని భావిస్తున్నాను. నేను నా రెండో గిన్నీస్ వరల్డ్ రికార్డ్ కోసం రెడీ అవుతున్నాను. అది ఏంటో మీరు ఆలోచించండి" అని క్లార్క్ తన ఇన్‌స్టాగ్రామ్ అకౌంట్‌లో పోస్ట్ పెట్టాడు.

ఈ సందర్భంగా పిల్లలకు క్లార్క్ ఓ సందేశం ఇచ్చాడు. "దివ్యాంగులైన పిల్లలకు నేను ఓ సందేశం ఇవ్వదలిచాను. దివ్యాంగులుగా ఉండటం కష్టమే. కానీ మీరు ఏదైనా మనసుతో, పట్టుదలతో చేస్తే... కచ్చితంగా అది సాధించగలరు. మీరు దివ్యాంగులైనా, కాకపోయినా... ఈ సందేశం అందరికీ ఒకటే" అని తెలిపాడు.

2027లో మనుషులు మాయం! టైమ్ ట్రావెలర్ షాకింగ్ వీడియో!

క్లార్క్ రికార్డ్ వైరల్ (viral video) అయ్యింది. నెటిజన్లు అతన్ని ప్రశంసలతో ముంచెత్తుతున్నారు. కంగ్రాట్స్ చెబుతున్నారు. అతని ధైర్యసాహసాల్ని మెచ్చుకుంటున్నారు. నెక్ట్స్ టార్గెట్ చేసుకోవాలని విషెస్ చెబుతున్నారు.