viral video: విమానంలో స్పృహతప్పిన పైలట్.. నెక్ట్స్ ఏమైందంటే..

సపోజ్ మనం బస్సులో వెళ్తున్నాం అనుకుందాం. ఉన్నట్టుండి డ్రైవర్ అపస్మారక స్థితిలోకి వెళ్లిపోతే... ఆ విషయం తెలియగానే ఏం చేస్తాం... గబగబా వెళ్లి... బ్రేక్ పై కాలు వేస్తాం. దాంతో.. బస్సు ఆగిపోతుంది. ఆ తర్వాత అందరం ఊపిరి పీల్చుకొని... ఆ డ్రైవర్‌ని కాపాడే పని ప్రారంభిస్తాం. కానీ ఇదే విధంగా విమానంలో జరిగితే ఎలా? అమెరికాలోని... సెస్నా 208 కారవాన్ ఎయిర్‌క్రాఫ్ట్‌లో సరిగ్గా ఇలాగే జరిగింది. అది చిన్న తేలికపాటి విమానం. అందులో పైలట్ కాకుండా 14 మంది ప్రయాణికులు వెళ్లగలరు. బహమాస్‌ (bahamas)లోని... మార్ష్ హార్బర్ దగ్గరున్న లియోనార్డ్ ఎం థాంప్సన్ ఇంటర్నేషనల్ ఎయిర్‌పోర్టు నుంచి ఫ్లోరిడా (florida)కి మంగళవారం మధ్యాహ్నం విమానం బయలుదేరింది. ఫ్లైట్ గాలిలో ఎగురుతున్నప్పుడు... పైలట్ స్పృహతప్పాడు. ఏం చేసినా అతనికి స్పృహ రాలేదు. (pilot falls unconscious)

ప్రయాణికుల్లో టెన్షన్ మొదలైంది. విమానం కూలిపోతుందా అని అనుకుంటున్నారు. ఇంతలో తన ప్రెగ్నెంట్ భార్యతో అదే విమానంలో ప్రయాణిస్తున్న ఓ వ్యక్తి... గబగబా పైలట్‌ని పక్కకు జరిపి... అతని సీటులో కూర్చున్నాడు. ఫోర్ట్ పియర్స్‌లోని ఎయిర్ ట్రాఫిక్ కంట్రోల్ వారితో టచ్‌లో ఉంటూ... ఇప్పుడు ఏం చెయ్యమంటారు అని అడిగాడు. నిజానికి అతనికి ఎలాంటి అనుభవమూ లేదు. అయినప్పటికీ వాళ్లు ఏం చెబితే అది చేయసాగాడు. పైలట్ స్పృహ తప్పిన సమయంలో విమానం ఫ్లోరిడా తీరంపై ఎగురుతూ ఉంది. మరో 105 కిలోమీటర్ల అవతల డెస్టినేషన్ ఉంది. (passenger flight)
Ghost Mystery: అది పిల్ల దెయ్యం కాదు.. పిశాచి.. ఓ యువతి ఆవేదన
విమానంలో మిగతా ప్రయాణికులను తమ తమ సీట్లలోనే ఉండమన్నాడు. కానీ వాళ్లు అలా ఉండలేదు. "ఎలా ఉంటాం... నెక్ట్స్ ఏమవుతుందో ఏమో అని టెన్షన్ పడుతున్నాం... కూల్‌గా సీట్లో కూర్చోవాలా?" అంటూ అతని వెనకాలే ఉండి అంతా చూడసాగారు. ఏమైతేనేం... అతను విమానాన్ని పామ్ పీచ్ ఇంటర్నేషనల్ ఎయిర్‌పోర్టులో జాగ్రత్తగా ల్యాండ్ చేశాడు. అందుకు సంబంధించిన వీడియో క్లిప్ ఇప్పుడు సోషల్ మీడియాలో వైరల్ అయ్యింది.

ఆ వీడియోని ఇక్కడ చూడండి (viral video)

viral video: ఘోర రోడ్డు ప్రమాదం.. రెండుగా విరిగిపోయిన ట్రాక్టర్
విమానం సేఫ్‌గా ల్యాండ్ అవ్వడంతో... ప్రయాణికులంతా ఊపిరి పీల్చుకున్నారు. వెంటనే పైలట్‌ని ఎమర్జెన్సీ వార్డుకి తరలించారు. దీనిపై అమెరికా ఫెడరల్ ఏవియేషన్ అడ్మినిస్ట్రేషన్ ప్రతినిధి స్పందించారు. ఏం జరిగిందో దర్యాప్తు చేస్తున్నట్లు తెలిపారు. ఈ దర్యాప్తు సంగతి తర్వాత.. అసలు అతను అలా విమానాన్ని జాగ్రత్తగా నడపడం గొప్ప విషయం కదా. ఎందుకంటే... విమాన జర్నీలో చిన్న తేడా వచ్చినా... కూలిపోతాయి. పైగా విమాన ప్రమాదాల్లో ప్రయాణికులంతా చనిపోతూ ఉంటారు. బతికే అవకాశాలు తక్కువ. అలాంటిది.. ఓ సామాన్య వ్యక్తి.. మొదటిసారి కాక్‌పిట్‌లో కూర్చొని... తన ఫ్యామిలీని కాపాడుకోవడమే కాకుండా... ప్రయాణికులందర్నీ రక్షించాడు. అందుకే అతనిపై ప్రశంసల జల్లు కురుస్తోంది.