ముందుంది అతి పెద్ద యుద్ధం.. రష్యా టీవీలో ప్రొఫెసర్ సంచలన ప్రకటన

ఓ పక్క ఉక్రెయిన్ పరిస్థితి దారుణంగా తయారైంది. KGF 2 సినిమాలో గనులను పేల్చేసినట్లు... రష్యా సేనలు... ఉక్రెయిన్ నగరాల్ని శ్మశానాలలాగా మార్చేస్తున్నాయి. ఇది చాలదన్నట్లు ఇప్పుడు లేజర్ రేడియేషన్ ఆయుధాల్ని రష్యా రంగంలోకి దింపుతోంది. అందువల్ల ఉక్రెయిన్‌కి మరింత నష్టం తప్పదు. ఐతే.. ఇదంతా రిహార్సల్ మాత్రమే అంటున్నారు రష్యా ప్రభుత్వ టీవీలో ఓ ఎనలిస్ట్. ప్రొఫెసర్ అలెక్సీ ఫెనెంకో... ఈ యుద్ధం క్రమంగా... నాటో (NATO) దళాలకు వ్యతిరేకంగా మారుతుందని హెచ్చరించారు. ఈయన ఎవరంటే... ఇంటర్నేషనల్ సెక్యూరిటీ స్టడీస్ సంస్థలో ప్రధాన పరిశీలకుడు. అంతర్జాతీయ పరిస్థితులను విశ్లేషిస్తారు. (Russia war on Ukraine)

3 నెలలుగా యుద్దం జరుగుతున్నా... దీన్ని యుద్ధం అని రష్యా చెప్పట్లేదు. ఇదో ప్రత్యేక మిలిటరీ ఆపరేషన్ అని మాత్రమే అంటోంది. ఫిబ్రవరి 24న రష్యా అధ్యక్షుడు వ్లాదిమిర్ పుతిన్ (Vladimir Putin) దీన్ని ప్రారంభించారు. రష్యాలోని న్యూస్ ఛానెళ్లలో ఏ వార్త వచ్చినా... అది ప్రభుత్వ అభిప్రాయమే అవుతుంది. ప్రభుత్వానికి వ్యతిరేకంగా ఒక్క వార్తా రాదు. అలాంటిది... రష్యా 1 నెట్‌వర్క్ టీవీలో ఈ వారం జరిగిన డిస్కషన్ ప్యానెల్‌లో ప్రొఫెసర్ అలెక్సీ ఫెనెంకో... "వార్" అనే పదాన్ని వాడారు. అది రష్యా ప్రభుత్వానికి వ్యతిరేకమైన మాట. "మా అభిప్రాయం ప్రకారం ఉక్రెయిన్‌పై ఈ వార్.. రిహార్సల్ మాత్రమే. త్వరలోనే అతి పెద్ద యుద్ధం ఉండే ఛాన్సుంది" అన్నారు.
viral video: ఆ తిమింగలానికి బ్రెయిన్ లేదా.. ఆశ్చర్యపోతున్న నెటిజన్లు
"మేము నాటో ఆయుధాలను... మా ఆయుధాలతో పోల్చి చూస్తాం. యుద్ధక్షేత్రంలో... వారి ఆయుధాల కంటే మా ఆయుధాలు ఎంత శక్తిమంతమైనవో చూపిస్తాం. తద్వారా భవిష్యత్తులో జరగబోయే భారీ యుద్ధాలకు ఇదో అనుభవం అవుతుంది" అని ఆయన అన్నారు. ఈమధ్య స్వీడన్, ఫిన్‌లాండ్... నాటోలో చేరేందుకు అప్లై చేసుకున్నాయి. అందుకే రష్యాకి ఆగ్రహం వచ్చినట్లుంది. దాని ఫలితమే ఈ ప్రొఫెసర్ తాజా వ్యాఖ్యలు అంటున్నారు నిపుణులు. మొత్తంగా చూస్తే... రష్యా భారీ యుద్ధానికి ప్లాన్ చేస్తున్నట్లు అనుకోవచ్చు.
Ring Galaxy: విచిత్రమైన రింగ్ గెలాక్సీ.. విశ్వంలో ఇలాంటిది ఇదొక్కటే
రష్యా... నాటో టార్గెట్‌గా యుద్ధం చేస్తే అది మూడో ప్రపంచ యుద్ధానికి దారితీస్తుంది. దాని ఫలితాలు అత్యంత దారుణంగా ఉంటాయి. మూడో ప్రపంచ యుద్ధం వచ్చే అవకాశాలు లేవని కొందరు నిపుణులు చెబుతున్నారు. కానీ... రష్యా తీరు వారికి అర్థం కావట్లేదు. పుతిన్ ఎప్పుడు ఏం చేస్తాడో వారి అంచనాకి అందట్లేదు.
viral video: జింకతో రోడ్ సేఫ్టీ పాఠాలు.. ఉత్తరప్రదేశ్ పోలీసుల కొత్త ప్రచారం
ఇప్పటికే ఉక్రెయిన్‌పై జరుగుతున్న యుద్ధం వల్ల... మన దేశంలో పెట్రోల్, డీజిల్ ధరలు భారీగా పెరిగాయి. రోజువారీ సరుకుల ధరలూ పెరిగిపోతున్నాయి. ప్రజల దగ్గర డబ్బు నీళ్లలా ఖర్చైపోతోంది. రూ.500 ఓ మూలకి రావట్లేదు. సామాన్ల సంచి నిండట్లేదు గానీ... డబ్బు అయిపోతోంది. రష్యా ఇలాగే యుద్ధాన్ని కొనసాగిస్తే... భారత్ సహా చాలా దేశాలు తీవ్రంగా నష్టపోతాయి. క్రమంగా ఆర్థిక మాంద్యం పరిస్థితులు దాపురిస్తాయి.