పక్షిని వేటాడిన కొండ చిలువ.. కిటికీకి వేలాడుతూ మింగేసింది!

నేలపై పాకే కొండ చిలువలు పక్షులను వేటాడటం చాలా అరుదు. అయితే, ఆస్ట్రేలియాలో మాత్రం అది సాధారణం. ఆస్ట్రేలియాలో నిత్యం ఏదో ఒక వన్య మృగం ప్రజలను పలకరిస్తూనే ఉంటుంది. ముఖ్యంగా అడవులను ఆనుకొని ఉండే ఇళ్లల్లో నిత్యం పాములు ప్రత్యక్షమవుతూనే ఉంటాయి. దీంతో అక్కడి ప్రజలు చాలా అప్రమత్తంగా ఉంటారు.

ఇటీవల ఆస్ట్రేలియా వెళ్లిన క్యాండికేన్ అనే పర్యాటకుడు ఉదయం నిద్రలేచి కిటికీ నుంచి బయటకు చూడగానే.. షాకింగ్ దృశ్యం కనిపించింది. కొండ చిలువ కిటికీకి వేలాడుతూ ప్రత్యక్షమైంది. అది ఓ పక్షిని వేటాడి, శరీరంతో చుట్టేసింది. దీంతో క్యాండీ‌కేన్ ఆ దృశ్యాన్ని వీడియో తీసి ‘రెడిట్’ అనే సోషల్ మీడియా సైట్‌లో పోస్టు చేశాడు. దీంతో అది క్షణాల్లో వైరల్‌గా మారింది.

ఆ వీడియోలో ఆ కొండ చిలువ చాలాసేపు పక్షిని బిగించి పట్టుకుని ఉంది. చివరికి దాని తలను నోట్లో పెట్టుకుని మింగేసింది. ఈ పామును కార్పెట్ పైథాన్ అంటారని, ఆస్ట్రేలియాలో ఇది నిత్యం ఇళ్ల లోపల, పైనా కనిపిస్తుంటాయని క్యాండికేన్ తెలిపాడు. ఈ వీడియోను కింది ట్వీట్‌లో చూడండి.