భారీ భూకంపం.. భవనంపై స్విమ్మింగ్‌పూల్‌ నీరు ఎగసిపడిందిలా!

ఫిలిపిన్స్‌ను ఇటీవల భూకంపం వణికించిన సంగతి తెలిసిందే. 6.1 తీవ్రతతో ఏర్పడిన కంపనలకు పంపాంగ ప్రాంతంలో భవనాలు కుప్పకూలాయి. శిథిలాల కింద చిక్కుకున్ని తొమ్మిది మంది వరకు చనిపోయారు. మరికొందరు గాయపడ్డారు. భూకంపానికి సంబంధించి పలు వీడియోలు, ఫొటోలు సోషల్ మీడియాలో చక్కర్లు కొడుతున్నాయి.

వీటిలో మనీలాలో ‘యాంకర్ స్కై‌సూట్స్’ అనే బహుళ అంతస్థుల భవనంపై ఉన్న స్విమ్మింగ్ పూల్‌లో నీరు జలపాతంలా కిందికి పొర్లుతున్న వీడియో ఒకటి వైరల్‌గా మారింది. ఈ వీడియో చూసినవారు భయాందోళనలు వ్యక్తం చేశారు. ఆ సమయంలో ఎవరూ స్విమ్మింగ్‌పూల్‌లో లేకపోవడం మంచిదైంది. లేకపోతే ఆ నీటితోపాటు భవనం పైనుంచి కిందిపడేవారు అని కామెంట్స్ చేస్తున్నారు. ఆ వీడియోపై మీరూ ఓ లుక్కేయండి.