చెంపలు చెల్లుమనిపించే ఆట.. దవడలు పగలితేనే గెలుపు!

ప్రపంచంలో అత్యంత విలక్షణమైన ఆటల్లో ఒకటిగా పేరొందిన ‘స్లాపింగ్ గేమ్’ గురించి మీకు తెలుసా? అయితే, మీరు రష్యాకు వెళ్లాల్సిందే. ఏటా జరిగే సైబీరియన్ పవర్ షోలో భాగంగా ఇటీవల క్రస్నోయరస్క్‌లో పురుషుల ‘స్లాపింగ్ ఛాంపియన్‌షిప్’ జరిగింది. ఇందులో బాక్సింగ్ తరహాలోనే ఇద్దరు క్రీడాకారులు ఒకరినొకరు చెంపలపై కొట్టుకోవాలి.

ఒక్క ముక్కలో చెప్పలాంటే.. దవడలు పగిలిపోయేలా కొట్టుకోవాలి. ఇద్దరు ఆటగాళ్లు ఎదురెదురుగా నిలుచోవాలి. ఎదుటి వ్యక్తి కొడుతున్నప్పుడు ముఖాన్ని పక్కకు తిప్పడం గానీ, అతడి చేతిని అడ్డుకోవడం లేదా చేతిని అడ్డుపెట్టుకోవడం వంటివి చేయకూడదు. అతడు ఒక చెంప మీద కొట్టగానే రెండో చెంప చూపిస్తూ దెబ్బలు తినాలి. అలాగే ప్రత్యర్థి చెంపలు కూడా చెళ్లుమనిపించాలి.

ఎవరైతే చెంప దెబ్బలు తట్టుకుని చివరి వరకు నిలబడతారో వారే ఇందులో ఛాంపియన్. ఇందుకు పాయింట్లు గానీ, టైమ్ లిమిట్ గానీ లేదు. ఈ ఏడాది వసిల్లే కమత్సేకీ అనే వ్యక్తి ఈ పోటీలో విజేతగా నిలిచి రూ.32 వేలు గెలుచుకున్నాడు. మరి, ఈ ఆట గురించి మీరేమంటారు? ఇలాంటి ఆటను మన దేశంలో కూడా ప్రవేశపెడితే బాగుంటుందని అనుకుంటున్నారా? కానీ, ఇళ్లల్లో మాత్రం ఇలాంటివి ఆడేందుకు ప్రయత్నించకండి. చాలా ప్రమాదకరం.
చెంప దెబ్బల పోటీని ఈ వీడియోలో చూడండి: