viral video: దేవుడి కంటే నా సమస్యలు పెద్దవి కావు.. ఓ వ్యాపారి ప్రేరణాత్మక స్టోరీ

మన దేశంలో అన్ని అవయవాలూ బాగానే ఉన్నా కొంతమంది అడుక్కుంటూ ఉంటారు. మరికొందరు మాత్రం దివ్యాంగులైనా ఎవరిపైనా ఆధారపడకుండా.. విధి రాతను ఎదిరిస్తూ... ఏటికి ఎదురీదుతూ... ఆ దైవమే వారిని చూసి జాలిపడేలా చేసుకుంటారు. అలాంటి ఓ పావ్ భాజీ వ్యాపారి స్టోరీ ఇది. ఆయన వీడియో ఇప్పుడు సోషల్ మీడియాలో సూపర్ వైరల్ అవుతోంది. నెటిజన్లు అతనికి హ్యాట్సాప్ చెబుతున్నారు. అతని కథ ఎంతో మందికి ప్రేరణ కలిగిస్తుంది అంటున్నారు. అది మనం కూడా తెలుసుకుందాం.

Authored byKrishna Kumar | Samayam Telugu 19 May 2022, 1:07 pm

ముంబై (Mumbai) మహా నగరంలో కోట్ల మంది జనం.. ఒక్కొక్కరిదీ ఒక్కో కథ. అక్కడి మలాద్ ప్రాంతంలో... ఓ వ్యాపారి పావ్ భాజీ స్టాల్ (pav bhaji) నడుపుతున్నాడు. చాలా మంది ఎంతో ఇష్టంగా ఆయన దగ్గరకు వచ్చి పావ్ భాజీ తింటారు. ఎందుకంటే... వాళ్లందరికీ అతను ఇన్స్‌పిరేషన్. యూత్‌కి అతను మోటివేషన్. అతనికి సంబంధించిన వీడియోని IAS ఆఫీసర్ సోనాల్ గోయల్... ట్విట్టర్‌లోని తన అకౌంట్ @sonalgoeliasలో మే 17, 2022న నెటిజన్లకు షేర్ చేశారు. ఇప్పటివరకూ ఈ వీడియోని 37 వేల మందికి పైగా చూశారు. 2.7 వేల మందికి పైగా లైక్ చేశారు. (inspiring story)

దేవుడి కంటే నా సమస్యలు పెద్దవి కావు (image credit - twitter - @sonalgoelias)

"నా కష్టాల గురించి చెప్పండి... వాటి కంటే నా దేవుడు పెద్దవాడు.. ఆ ధైర్యం, స్థైర్యానికి సెల్యూట్. మితేష్ గుప్తా కొన్నేళ్ల కిందట దురదృష్టవశాత్తూ తన చెయ్యిని కోల్పోయారు. అయినప్పటికీ ముంబైలోని మలాద్‌లో పావ్ భాజీ స్టాల్‌ని తన గట్స్‌తో నిర్వహిస్తున్నారు" అని సోనాల్ గోయల్ క్యాప్షన్ ఇచ్చారు. (specially-abled pav bhaji seller)

ఈ వీడియోలో వ్యాపారి మితేష్ గుప్తా (Mitesh Gupta). కొన్నేళ్ల కిందట యాక్సిడెంట్‌లో ఓ చెయ్యిని కోల్పోయాడు. అయినప్పటికీ... రోజూ స్వయంగా కూరగాయలను ఒక చేత్తోనే కట్ చేసి... ఒక చేత్తోనే పావ్ భాజీలు తయారుచేస్తున్నాడు. ఆయన పట్టుదల, నిబద్ధత చూసి స్థానికులు ఆయన్ని ప్రేరణగా తీసుకుంటున్నారు.

viral video: జలపాతం దగ్గర జారిపడ్డాడు.. తర్వాత ఏమైందో తెలుసా?
ఆ వీడియోని ఇక్కడ చూడండి (viral video)

viral video: స్కూటీలో ఇరుక్కున్న పాము.. కాపాడిన మహిళ
ఈ వీడియో చూసిన నెటిజన్లు మితేష్ గుప్తాను మెచ్చుకుంటున్నారు. "ఆయన దివ్యాంగుడు కాదు... అన్ని అవయవాలూ ఉండి... ఏ పనీ చెయ్యని వారే అసలైన దివ్యాంగులు" అని అంటున్నారు. "సెల్యూట్. నిజంగా చాలా ప్రేరణ కలిగిస్తున్నాడు. హార్ట్ టచ్ చేశాడు" అని ఓ యూజర్ కామెంట్ ఇవ్వగా... "చాలా ప్రేరణాత్మక కథ" అని మరో యూజర్ కామెంట్ ఇచ్చారు.

viral video: పామును రౌండప్ చేసిన పక్షులు.. ఊపిరాడనిస్తే ఒట్టు
"ముంబైలో రకరకాల ప్రజలుంటాయి. అందరికీ ఎన్నో రకాల సమస్యలుంటాయి. కానీ వారంతా ప్రేమ కురిపిస్తారు. తాము ఎలాంటి పరిస్థితుల్లో ఉన్నా... సమస్యల్ని దిగమింగుకుంటూ ముందుకు వెళ్తారు. ప్రతి ఒక్కరిలో బాధ ఉంటుంది. కష్టాలుంటాయి. ఇలా హార్డ్ వర్క్ చేసే ప్రతి ఒక్కరికీ ధన్యవాదాలు" అని మరో యూజర్ కామెంట్ ఇచ్చారు. "ఎలాంటి అవకాశాలూ లేకపోయినా ఓ సామాన్యుడు ఎంతో చేస్తున్నాడు. మరి అన్నీ ఉన్నవారు ఇంకెంత చెయ్యాలి? వాళ్లు ఎంత మందికి సాయం చెయ్యవచ్చు? కానీ వాళ్లు తమ స్వార్థం చూసుకుంటారు. అందరూ ఈ వ్యాపారిలా ఆలోచిస్తే... దేశం గొప్పదవుతుంది" అని మరో యూజర్ కామెంట్ ఇచ్చారు.

viral video: దేవుడి కంటే నా సమస్యలు పెద్దవి కావు.. ఓ వ్యాపారి ప్రేరణాత్మక స్టోరీ

తరవాత కథనం