ఫన్నీ వీడియో.. టీచర్‌కు బుడతడు స్వీట్ వార్నింగ్, వీడు చాలా స్పీడు!

తెలిసీ తెలియని వయస్సులో పిల్లలు భలే అల్లరి చేస్తారు. అంతేకాదు.. అమాయకంగా వారు చెప్పే మాటలు కూడా ముద్దొస్తాయి. కొంతమంది పిల్లలు ముదురు మాటలతో మొట్టికాయలు కూడా తింటారు. అయితే, ఆ మాటలను ఎప్పుడు తలచుకున్నా నవ్వొస్తాయి. ఇదిగో ఈ వీడియోలో ఉన్న బుడతడు కూడా ఆ కోవకు చెందినవాడే.

తరగతి గదిలో బోర్డు మీద రాసివున్న అక్షరాలను పలక మీద రాయమని టీచర్ చెబితే.. ఆమెకు ఘాటుగా సమాధానం చెప్పాడు. ఆమే అవన్నీ పలక మీద రాసి.. కింద తను రాసేందుకు చోటు ఉంచితే అప్పుడు రాస్తానని చెప్పాడు. దీంతో టీచర్.. నువ్వే బోర్డు మీద చూసి పలక మీద రాసుకోవాలని చెప్పింది. దీంతో ఆ పిల్లాడు టీచర్‌తో కాసేపు వాదనకు దిగాడు. చివరికి ఓపిక నశించిందో ఏమో.. టీచర్‌కు వార్నింగ్ ఇచ్చాడు. ఆమె వైపు కోపంగా చూస్తూ, పలకని బలపంతో కొడుతూ హీరో స్టైల్‌లో.. ‘‘ఖచ్చితంగా నువ్వే రాసి ఇవ్వాలి’’ అని హెచ్చరించాడు.

దుర్గాప్రసాద్ బండీ అనే వ్యక్తి ఈ వీడియోను ఫేస్‌బుక్‌లో పోస్టు చేశాడు. దీంతో ఇది క్షణాల్లో వైరల్‌గా మారింది. ఇప్పటివరకు దీన్ని 2 వేల మందికి పైగా షేర్ చేసుకోగా.. 44 వేల మంది చూశారు. ఇంకెందుకు ఆలస్యం మీరు కూడా ఈ బుడతడి స్వీట్ వార్నింగ్ చూసి, నచ్చితే షేర్ చేసుకోండి.