Indian Railways video: ప్రమాదకర ప్రయాణం.. రైలు నుంచి జారిపడిన టీనేజర్

Indian Railways: మహారాష్ట్రలో జనాభా ఎక్కువ. పైగా రైళ్లలో ప్రయాణించేవారి సంఖ్య చాలా ఎక్కువ. అందువల్ల లోకల్ రైళ్లు ఎప్పుడూ రద్దీగా ఉంటాయి. ఎలాగైనా గమ్యస్థానానికి చేరాలనే ఉద్దేశంతో... ఆ రైళ్లలో చాలా మంది ఫుట్‌బోర్డు దగ్గర వేలాడుతూ ప్రయాణిస్తారు. అది ఎంతో ప్రమాదకరమైన ప్రయాణం అని తెలిసి కూడా అలాగే వెళ్తారు. తాజాగా ఓ టీనేజర్ కూడా అలా చేసి ప్రాణాలమీదకు తెచ్చుకున్నాడు. థానే స్టేషన్, కల్వా స్టేషన్ మధ్య రాకపోకలు సాగిస్తుంది ఆ లోకల్ ట్రైన్. ఎప్పుడూ రద్దీగానే ఉంటుంది. తాజాగా... గురువారం జూన్ 23, 2022న కూడా రైలు అంతే రద్దీగా ఉంది. (Teenager Falls Off Local Train)

ఉదయాన్నే వెళ్తున్న ఆ రైలులోని ప్రతి బోగీలో ఫుట్‌బోర్డ్‌కి వేలాడుతూ ప్రయాణిస్తున్నారు చాలా మంది. వాళ్లలో 18 ఏళ్ల డానిష్ హుస్సేన్ ఖాన్ కూడా ఉన్నాడు. కల్వాలోని భాస్కర్ నగర్ నివాసి అయిన హుస్సేన్.. రైలు వేగంగా వెళ్తున్నప్పుడు జారి పక్కకు పడ్డాడు. అతనికి తీవ్ర గాయాలయ్యాయి. కాళ్లు, చేతులకు గాయాలయ్యాయి. అదృష్టమేంటంటే.. అతను రైలు కింద పడలేదు. అతన్ని గవర్నమెంట్ రైల్వే పోలీసులు (GRP).. 20 నిమిషాల్లో చత్రపతి శివాజీ మహరాజ్ ఆస్పత్రికి తరలించారు. (train accident video)

హుస్సేన్.. ఓ కార్మికుడని తెలిసింది. అతను పడిపోయిన సమయంలో... అదే ఫుట్‌బోర్డుకి మరో ముగ్గురు కూడా వేలాడుతున్నారు. వారెవరూ అతన్ని కాపాడలేకపోయారు. అంతా క్షణాల్లో జరిగిపోయింది. మరో రైలులో ప్రయాణిస్తున్న వ్యక్తి ఈ వీడియోని రికార్డ్ చేశారు.
viral video: రోడ్డు ప్రమాదం.. తర్వాత విచిత్రం.. అతను గ్రహాంతరవాసా?
ఆ వీడియోని ఇక్కడ చూడండి (Viral Video) (WARNING: Viewer discretion is advised).
viral video: రోడ్డుపై ఢీకొట్టుకున్న 2 కార్లు.. తప్పెవరిది?
త్వరగా పనికి వెళ్లాలనే ఉద్దేశంతో హుస్సేన్‌ ఇలా వేలాడుతూ వెళ్లాడు. చివరకు ఆస్పత్రిపాలయ్యాడు. ఇప్పుడు అతనితోపాటూ... అతని కుటుంబ సభ్యులు కూడా బాధపడుతూ ఉంటారు. భారతీయ రైళ్లలో సేఫ్టీ చర్యలు సరిగా లేవనే విమర్శలు తరచూ వస్తున్నాయి. మెట్రో రైళ్లకు ఎలాగైతే డోర్లు మూసేస్తారో... అలా మిగతా రైళ్లకూ చెయ్యాలంటున్నారు నెటిజన్లు. లేదంటే అధిక జనాభా కావడం వల్ల ఇలాంటి ఘటనలు తరచూ జరుగుతూనే ఉన్నాయని అంటున్నారు. ఒక్కోసారి రైలు ఆగకముందే ఎక్కేందుకూ, దిగేందుకూ ప్రయత్నిస్తూ... కొంతమంది ప్లాట్‌ఫామ్ నుంచి పట్టాలపై పడుతున్న సందర్భాలను గుర్తుచేస్తున్నారు.