స్మోక్ చేస్తూ.. ట్రావెల్ చేస్తే నెలకు రూ.87 వేలు జీతం!

దూమపానం ఆరోగ్యానికి హానికరం. కానీ, ఆ సంస్థ మాత్రం.. స్మోక్ చేయడమే మీ పని అంటుంది. కాలిఫోర్నియాకు చెందిన ‘హెవీ హిట్టర్స్’ అనే సంస్థ 20 మంది ప్రచారకర్తల ఉద్యోగాలను అందుబాటులోకి తెచ్చింది. ‘‘ట్రావెల్ చేయండి.. స్మోక్ చేయండి.. డబ్బులు చెల్లిస్తాం’’ అని ప్రకటించింది. ఇందుకు నెలకు రూ.87వేలు చెల్లిస్తామని పేర్కొంది.

‘హెవీ హిట్టర్స్’ తయారుచేసే పొగాకు ఉత్పత్తుల విక్రయాలను పెంచేందుకు ఈ ప్రచారకర్తలు పనిచేయాల్సి ఉంటుంది. వీరు ప్రపంచమంతా తిరుగుతూ స్మోకింగ్ చేయాలి. ముఖ్యంగా గంజాయిని స్మోక్ చేయాల్సి ఉంటుంది. పొగాకు ఉత్పత్తులను కొనేందుకు సంస్థ అదనంగా రూ.34,615 చెల్లిస్తుంది. ఈ జాబ్‌కు మీరు అర్హులనిపిస్తే.. ఆ ఉద్యోగానికి మీరు ఏ విధంగా సరిపోతారో చెబుతూ వీడియో తీసి యూట్యూబ్‌, ఇన్‌స్టాగ్రామ్‌లో అప్‌లోడ్ చేయాలి. కానీ, గుర్తుంచుకోండి.. స్మోకింగ్ చాలా ప్రమాదకరమైన అలవాటు. జీతానికి ఆశపడి అందులో చేరితే జీవితమే ఆవిరవుతుంది.