this Japanese Smartphone Won't Let You Take Nude Photos
నగ్న చిత్రాల కెమేరా.. ఈ జపాన్ స్మార్ట్ ఫోన్ ఫీచర్స్ తెలిస్తే.. ఔరా అంటారు!
నేటి టీనేజర్లను దృష్టిలో పెట్టుకుని జపాన్ రూపొందించిన ఈ ఫోన్ ఫీచర్స్ చూస్తే.. తప్పకుండా మెచ్చుకుంటారు. ముఖ్యంగా ఆ ‘న్యూడ్’ ఆప్షన్ ప్రతి ఒక్కరికీ నచ్చుతుంది.
Samayam Telugu25 Feb 2020, 8:06 pm
ఈ రోజుల్లో స్మార్ట్ ఫోన్ను ఇష్టపడని వ్యక్తులు ఎవరుంటారు చెప్పండి? ఈ ఇంటర్నెట్ యుగంలో స్మార్ట్ ఫోన్ శరీరంలో ఒక భాగంగా మారిపోయింది. ఒక్క క్షణం అది చేతిలో లేకపోయినా, ఎక్కడైనా మరిచిపోయిన గుండె పగిలినంతగా రియాక్ట్ అవుతున్నారు. ఫోన్లను కేవలం కమ్యునికేషన్ వాడే రోజులు ఎప్పుడో పోయాయి. ఇప్పుడు వాటిని ఫోన్లు కంటే కెమేరాలుగానే ఎక్కువగా వాడుతున్నారు. టిక్టాక్ ట్రెండ్ మొదలైన తర్వాత బోలెడన్నీ వీడియోలు తీసుకుని జనాల్లో పాపులర్ అవుతున్నారు. అంతా బాగానే ఉంది.. కానీ, ఈ ఫోన్ల వల్ల కొన్ని నష్టాలు కూడా ఉన్నాయి.
ఈ ఫోన్ చాలా ప్రత్యేకమైనది
అమ్మాయిల ఏకాంత క్షణాలను కొందరు ఫోన్లో బంధిస్తున్నారు. వాటిని పోర్న్ సైట్లలో అప్లోడ్ చేస్తున్నారు. పెరుగుతున్న సాంకేతికత ఒక వైపు మంచి జరుగుతున్నా.. చాపకింద నీరులా చెడు తన ఉనికిని చాటుతోంది. ఈ నేపథ్యంలో జపాన్ కత్తిలాంటి ఫోన్ తీసుకొచ్చింది. ఈ ఫోన్తో ఫొటోలు తీసుకోవచ్చు. వీడియోలు కూడా తీసుకోవచ్చు. అదేంటీ.. ఈ ఫీచర్స్ అన్ని ఫోన్లలో ఉంటాయి కదా అనుకుంటున్నారా. కానీ, ఇక్కడే చిన్న ట్విస్టు ఉంది.
నగ్న ఫొటోలు తీస్తే ఒప్పుకోదు
ఈ ఫోన్ పేరు ‘Tone e20’ బోలెడన్నీ ఫీచర్స్తో ప్రస్తుత మార్కెట్ను ఆకట్టుకుంటోంది. అయితే, ఇందులో ఉన్న ఓ కీలకమైన ఫీచర్ ఇప్పుడు అందరి దృష్టి ఆకట్టుకుంటోంది. ముఖ్యంగా నగ్న చిత్రాలు తీసేవారికి ఈ ఫోన్ అస్సలు ఉపయోగపడదు. ఎందుకంటే ఈ ఫోన్ Nude Photo Prevention Systemతో వస్తోంది. ఇది నగ్నంగా ఉండేవారి చిత్రాలను తీసేందుకు సహకరించదు. ఒక వేళ తీసినా.. అవి గ్యాలరీలో సేవ్ కావు.
ఎవరికి లాభం?
ప్రపంచంలో ఈ ఫీచర్తో వస్తున్న తొలి స్మార్ట్ ఫోన్ ఇదే కావడం గమనార్హం. అయితే, మార్కెట్లో ఎన్నో రకాల ఫోన్లు ఉన్నప్పుడు యూజర్లు దీన్ని మాత్రమే ఎందుకు కొనుగోలు చేస్తారనే ప్రశ్నలు ఉత్పన్నం అవుతున్నాయి. ఇందుకు ఆ సంస్థ ప్రతినిధులు స్పందిస్తూ.. ఇది పూర్తిగా ఇంట్లో పేరెంట్స్ కోసం రూపొందించిన ఫోన్. తమ టీనేజ్ పిల్లలకు ఈ ఫోన్ను ఇచ్చినట్లయితే.. ఇతరులకు తమ నగ్న ఫొటోలను పంపలేరు. అయితే, ఇది కేవలం ఫొటోలను మాత్రమేనా.. వీడియోలను కూడా నియంత్రిస్తుందా అనేది తెలియాల్సి ఉంది. నగ్న ఫొటోల నియంత్రణ వ్యవస్థ అంతా కెమేరాలోనే ఉంటుందని, ఇంటర్నెట్ నుంచి డౌన్లోడో చేసే ఫొటోలను మాత్రం ఇది నియంత్రించలేదని తెలిసింది.
ప్రస్తుతం ఈ ఫోన్ జపాన్లో మాత్రమే అందుబాటులో ఉంది. భారత కరెన్సీ ప్రకారం దీని ధర రూ.12,907. వెనుక వైపు 3 సెన్సార్ కెమేరా, ముందు వైపు 8 మెగాపిక్సిల్ సెల్పీ కెమేరా, 6.2 ఇంచల హెచ్డీ, ఐపీఎస్ ఎల్సీడీ ప్యానెల్, 4 జీబీ ర్యామ్, 64 జీబీ స్టోరేజ్తో ఈ ఫోన్ లభిస్తోంది. ఇలాంటి ఫోన్లను అన్ని సంస్థలు ప్రవేశపెడితే బాగుంటుంది కదా. వందలో ఒక్కరికైనా ఇది ఉపయోగపడుతుంది. ఆ సంస్థ ఆలోచనకు తప్పకుండా మనం హ్యాట్సాఫ్ చెప్పాల్సిందే.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.