అది ఆటోకాదు, నడిచే గార్డెన్.. ఆటోవాలా సరికొత్త ఆలోచన!

అది ఆటో రిక్షా మాత్రమే కాదు.. నడిచొచ్చే గార్డెన్ కూడా. ఎండల వేడిని తట్టుకోలేక ఓ ఆటోవాలా తన ఆటో మీద ఏకంగా మొక్కలు పెంచేస్తున్నాడు. కోల్‌కతాకు చెందిన బిజయ్ పాల్ అనే ఆటో డ్రైవర్‌‌కు ఈ సరికొత్త ఆలోచన వచ్చింది. ఈ ఎండల్లో ప్రయాణికులకు ‘చల్లని’ ప్రయాణం అందించేందుకు వీలుగా ఆటో టాప్‌లో బుల్లి గార్డెన్ ‌ఏర్పాటు చేశాడు.

ఆటో పైభాగంలో ప్రత్యేకంగా కవర్ ఏర్పాటు చేసి మట్టిని నింపి గడ్డిని పెంచాడు. వాటి మధ్యలో మొక్కలు నాటాడు. ‘చెట్లను రక్షించండి, ప్రాణాలు కాపాడండి’ అనే నినాదంతో ఈ ఆటో కోల్‌కతా వీధుల్లో చక్కర్లు కొడుతూ.. ప్రజలను ఆకట్టుకుంటోంది.