పుట్టగానే ఆగ్రహం.. ఏడ్వమంటే కోపంగా చూసిన నవజాత శిశువు, ఫొటో వైరల్!

పిల్లలు పుట్టగానే ఏడ్వడం మంచిదంటారు. శిశువు ఊపిరితీత్తులు సక్రమంగా పనిచేస్తున్నాయో లేదో తెలుసుకొనేందుకు పిల్లలను ఏడిపించడం సర్వ సాధారణం. అయితే, బ్రెజిల్‌లోని రియో డెర జనీరో నగరంలో పుట్టిన ఓ నవజాత శిశువు పుట్టిన వెంటనే ఏడవకుండా.. డాక్టర్ వైపు కోపంగా చూడటం ఆశ్చర్యపరిచింది.

ఫిబ్రవరి 13న వైద్యులు సిజేరియన్ ద్వారా ఆడ బిడ్డను బయటకు తీశారు. బొడ్డు తాడు కత్తిరించక ముందే ఆ బిడ్డ ఏడుస్తాడో లేదోనని పరీక్షించారు. చిత్రంగా ఆ బిడ్డ ఏడ్వడానికి బదులు డాక్టర్ల వైపు కోపంగా చూసింది. ‘‘నాకు ఇంకా కడుపులోనే ఉండాలని ఉంది. అప్పుడే బయటకు ఎందుకు తీశారు’’ అన్నట్లుగా వారిపై ఆగ్రహాన్ని ప్రదర్శిస్తున్నట్లుగా ముఖం పెట్టింది. అతడు ఎంతకీ ఏడవకపోయేసరికి డాక్టర్లు ఆ బిడ్డ బొడ్డు తాడును కత్తిరించారు. అంతే.. ఆ బాధకు ఆ శిశువు గట్టిగా ఏడ్చింది. దీంతో వైద్యులు కూడా ఆ బిడ్డ ఆరోగ్యంగానే ఉందని ఊపిరి పీల్చుకున్నారు.