చైర్ ఛాలెంజ్.. ఈ స్టంట్ కేవలం ఆడవాళ్లు మాత్రమే చేయగలరట! మీరూ ట్రై చేస్తారా?

సోషల్ మీడియాలో ఎన్నో రకాల ఛాలెంజ్‌లు భలే ఫన్నీగా ఉంటాయి. ఐస్ బకెట్ ఛాలెంజ్ నుంచి బాటిల్ క్యా్ప్ ఛాలెంజ్ వరకు ఎన్నో సవాళ్లు వైరల్‌గా మారిన సంగతి తెలిసిందే. తాజాగా మరో ఛాలెంజ్ కూడా నెటిజనులను విశేషంగా ఆకట్టుకుంటోంది. అయితే, ఈ ఛాలెంజ్ పురుషులు చేయడం చాలా కష్టమని, కేవలం మహిళలకు మాత్రమే సాధ్యమని చెబుతున్నారు.

ఏం చేయాలి?:
‘చైర్ ఛాలెంజ్’‌ లేదా ‘టిక్‌టాక్ చైర్ ఛాలెంజ్’ అనే ఈ సవాల్ ప్రకారం.. ముందుగా ఒక కూర్చీని సిద్ధం చేసుకోవాలి. ఆ తర్వాత గోడ నుంచి మూడు అడుగులు వెనక్కి నడవాలి. ఆ తర్వాత ముందుకు వంగి తలను గోడను ఆన్చాలి. ఆ తర్వాత దగ్గరలో ఉన్న కూర్చీని లాగి పొట్టను తాకేలా పైకెత్తాలి. ఆ తర్వాత ఆ కూర్చీని పట్టుకుని నిలుచోవాలి. అయితే, ఈ స్టంట్ కేవలం మహిళలు మాత్రమే చేయగలుగుతున్నారు. పురుషులకు మాత్రం సాధ్యం కావడం లేదు. కేవలం కొంతమంది పురుషులు మాత్రమే కష్టపడి ఈ సవాల్ గెలుస్తున్నారు. ఈ కింది ట్వీట్లు చూసి మీరు కూడా ఈ ఛాలెంజ్‌ను స్వీకరించండి.