Top 10 Virus Outbreak Movies, From 28 Days Later To Contagion
కరోనా పరిస్థితులను ముందే చెప్పిన టాప్ 10 ‘వైరస్’ సినిమాలు ఇవే, డోన్ట్ మిస్!
కరోనా వైరస్ గురించి మీరు వినడమే తప్పా.. అది రోగులను ఎంతగా హింసిస్తుందో చూసి ఉండరు. ఇటలీలోని ఈ హాస్పిటల్లో రోగులపడుతున్న బాధను చూస్తే గుండె బరువెక్కుతుంది.
Samayam Telugu23 Mar 2020, 10:26 pm
కొంతమంది మనుషుల్లో సిక్స్త్ సెన్స్ బాగా పనిచేస్తుంది. రాబోయే ముప్పును ముందే గ్రహించగలగుతారు. అలాంటి ఆలోచనలు ఉన్నవారికి క్రియేటివిటీ తోడైతే.. అద్భుతమైన కథలు పుట్టుకొస్తాయి. హాలీవుడ్ సినిమాలను చూస్తే.. వీళ్లు విపత్తులను ముందే ఊహించి సినిమాలు తీస్తున్నారా? లేదా ఇలాంటివి జరగాలని కోరుకుంటున్నారా? అనే అనుమానాలు కలుగుతాయి. వీటిలో కొన్ని వాస్తవ పరిస్థితులకు చాలా దగ్గరగా ఉంటాయి. ఆ సినిమాలు చూస్తున్నంత సేపు చాలా థ్రిల్గా ఫీలవుతాం. కానీ, అవి నిజంగానే చోటుచేసుకుంటే మన పరిస్థితి ఏమిటనే చిన్నపాటి ఆందోళన కూడా కలుగుతుంది. ముఖ్యంగా ప్రళయం, యుగాంతం, వైరస్.. ఈ మూడు అంశాలపై వచ్చే సినిమాలు ప్రజలకు మంచి థ్రిల్ ఇస్తాయి. అదే సమయంలో భయాన్ని కూడా కలుగజేస్తాయి.
ప్రస్తుతం కరోనా వైరస్ ప్రపంచాన్ని కలవరపెడుతున్న నేపథ్యంలో.. కొన్ని సినిమాల గురించి ప్రస్తావించుకోవలసిన అవసరం ఎంతైన ఉంది. ఎందుకంటే.. ఆయా సినిమాల్లో వైరస్ వస్తే పరిస్థితులు ఎలా ఉంటాయనేది ముందుగానే చూపించారు. అవి చూసేందుకు సినిమాటిక్గానే ఉంటాయి. కానీ, నేటి పరిస్థితులకు అద్దం పడతాయి. వైరస్ను ఎదుర్కోడానికి ప్రభుత్వాలు పడే శ్రమ. వైద్యులకు ఎదురయ్యే సవాళ్లు. ప్రజల మానసిక పరిస్థితులు భావోద్వేగానికి గురిచేస్తాయి. అయితే, టాప్ 10 సినిమాల వివరాలను కేవలం మీ అవగాహన కోసమే అందిస్తున్నాం. మిమ్మల్ని భయపెట్టాలనే ఉద్దేశంతో కాదని గుర్తించగలరు. లాక్డౌన్ సమయంలో ఇంట్లో ఉండి చూసేందుకు ఈ సినిమాలు బాగుంటాయి. బయటకు వెళ్తే పరిస్థితి ఎంత దయనీయంగా ఉంటుందో అర్థమవుతుంది. మరి ఆ సినిమాలు, వాటి ట్రైలర్లను చూసేద్దామా!
28 Days Later/28 weeks Later - 28 డేస్ లేటర్ (2003) / 28 వీక్స్ లేటర్(2007)
‘స్లమ్ డాగ్ మిలీనియర్’ దర్శకుడు డెన్నీ బాయ్లే దర్శకత్వంలో రూపొందించిన చిత్రం 28 డేస్ లేటర్. 2003లో విడుదలైన ఈ చిత్రం మెడికల్ థ్రిలర్స్ను ఇష్టపడే ప్రేక్షకులను మెప్పించింది. దీనికి కొనసాగింపుగా 2007లో విడులైన ‘28 వీక్స్ లేటర్’ సినిమా కూడా మంచి విజయం సాధించింది. ఈ సినిమాలో ‘రేజ్’ అనే వైరస్ చేసే బీభత్సాన్ని చూపించారు. రేజ్ అంటే కోపం అని అర్థం. ఈ వైరస్ సోకినవాళ్లకు విపరీతమైన కోపం వస్తుంది. మనషుల్లో కోపాన్ని కంట్రోల్ చేయడం కోసం కేంబ్రిడ్జి పరిశోధకులు ఒక డ్రగ్ తయారు చేస్తారు. దాన్ని ప్రయోగించడం కోసం చింపాంజీలో ఓ వైరస్ క్రియేట్ చేస్తారు. అక్కడి నుంచి అది మనుషులకు సోకుతుంది. ఆ వైరస్ సోకిన వాళ్లు జోంబీల్లా మారిపోతారు. వారి నుంచి తప్పించుకోడానికి జనాలు పడే పాట్లను థ్రిల్లింగ్గా తెరకెక్కించారు. కొన్ని సీన్లు భావోద్వేగానికి గురిచేస్తాయి.
Youtube-28 Days Later (2002) Official Trailer
It comes at night - ఇట్ కమ్స్ ఎట్ నైట్ (2017)
ఇది హర్రర్ మూవీ కాదు, ఫ్యామిలీ డ్రామా. మంచి థ్రిల్తోపాటు తప్పకుండా మిమ్మల్ని ఆలోచింపజేస్తోంది. ఏదో గుర్తు తెలియని వైరస్ మనుషులను చంపుతుంటుంది. దీంతో హీరో తన కుటుంబాన్ని పట్టుకుని అడవుల్లోకి వెళ్లిపోతాడు. ఆ వైరస్ నుంచి వారంతా ఎలా బయటపడ్డారనేదే కథ. సైకలాజికల్ థ్రిల్లర్గా తెరకెక్కిన ఈ సినిమాలో సన్నివేశాలు చాలా సహజంగా అనిపిస్తాయి. ఈ సినిమాను చూస్తుంటే.. మీరు తెలియకుండానే ఇందులో ఇన్వాల్వ్ అయిపోతారు. మీ చుట్టూ అది జరుగుతున్నట్లు ఫీలవుతారు. అంతేకాదు మీ తెలివితేటలకు కూడా ఇది పరీక్ష పెడుతుంది. చదువుతుంటనే భలే థ్రిల్గా ఉంది కదూ.
Youtube-It Comes at Night Teaser Trailer #1 (2017) | Movieclips Trailers
Children Of Men - చిల్డ్రన్ ఆఫ్ మెన్ (2006)
ఈ సినిమాలో మీకు వైరస్ కనిపించదు. కానీ, ఏదో కారణంతో భూమి మీద ఉన్నవారికి పిల్లలు పుట్టడం ఆగిపోతుంది. దీంతో సమయం ఆగిపోయిందా? అనే భావన ఏర్పడుతుంది. 2006లో తెరకెక్కిన ఈ చిత్రంలో.. 2027లో ఈ పరిస్థితి వస్తుందని చూపించారు. దాదాపు 18 సంవత్సరాలు ఈ భూమి మీద ఒక బిడ్డ కూడా పుట్టకపోతే ఎలా ఉంటుందో చూపించారు. అంతేకాదు.. ఇది విజువల్ వండర్ కూడా. వీలైతే మిస్ కాకుండా చూడండి.
Youtube-Children of Men Official Trailer #1 - Julianne Moore, Clive Owen Movie (2006) HD
12 Monkeys -12 మంకీస్ (1995)
మెడికల్ థ్రిల్లర్, టైమ్ ట్రావెల్ సినిమాలు ఇష్టపడేవారికి తప్పకుండా ఈ సినిమా మాంచి టైంపాస్. ఒక వైరస్ వల్ల భూమి మీద ప్రజలంతా చనిపోతారు. దాన్ని ఆపేందుకు హీరో గతానికి వెళ్తాడు. ఆ వైరస్ను అతడు గుర్తించగలగుతాడా? దాని వ్యాప్తిని ఆపుతాడా లేదా అనేది ఈ సినిమా కథ. ఇందులో హీరోలో ఒక గందరగోళ పరిస్థితి ఉంటుంది. తాను వాస్తవ ప్రపంచంలో ఉన్నాడో, వేరే కాలంలో ఉన్నానా అనేది తెలియక సతమతం అవుతాడు. మొత్తానికి ఈ సినిమా మాంచి థ్రిల్లింగ్ ఎక్స్పియరెన్స్ ఇస్తుంది.
Youtube-12 Monkeys Official Trailer #1 - (1995) HD
Blindness - బ్లైండ్నెస్ (2008)
ఓ వైరస్ వల్ల మనుషుల చూపు పోతుంది. వారికి అంతా తెల్లగా కనిపిస్తుంది. కథ ప్రకారం.. ఓ నగరంలో జపాన్ వ్యక్తికి కళ్లు కనిపించవు. దీంతో అతడు డాక్టర్ను ఆశ్రయిస్తాడు. ఆ తర్వాత డాక్టర్ కళ్లు కూడా పోతయి. అలా ఒకరి నుంచి ఒకరికి ఆ వైరస్ సోకుతుంది. దీంతో ప్రభుత్వం ఆ వైరస్ వల్ల కళ్లు పోయినవారిని ఒక ఐసోలెషన్ వార్డులో ఉంచుతారు. కానీ, అక్కడ ఊహించని విధంగా రోగుల మధ్య విభేదాలు ఏర్పడతాయి. చివరికి ఏమతుందా అనేది థ్రిల్లింగ్గా సాగుతుంది.
Youtube-Blindness (2008) - Trailer
World War Z - వరల్డ్ వార్ Z (2013)
ఇది జాంబీల నేపథ్యంలో వచ్చిన హై బడ్జెట్ సినిమా. ప్రముఖ హాలీవుడ్ నటుడు బ్రాడ్ పిట్ నిర్మించి, నటించిన సినిమా ఇది. ఇందులో జాంబీ వైరస్ వల్ల ప్రజలంతా రాక్షసుల్లా మారిపోతారు. ఇతరులపై దాడి చేసి జాంబీ వైరస్ను అంటిస్తారు. అలా ప్రపంచమంతా ఆ వైరస్ సోకుతుంది. ఐక్యరాజ్య సమితిలో పనిచేసే హీరో తన కుటుంబాన్ని సురక్షిత ప్రాంతానికి తీసుకెళ్తాడు. అనంతరం జాంబీ వైరస్ను అడ్డుకొనేందుకు ప్రపంచ దేశాల సహాయం తీసుకుంటాడు. అతడు దేశాలను సమన్వయం చేసి జాంబీ వైరస్ను అంతం చేస్తాడా లేదా అనేదే కథ. ఈ సినిమా క్లైమాక్స్ సీన్స్ భలే థ్రిల్లింగ్గా ఉంటాయి.
Youtube-World War Z Official Trailer #1 (2013) - Brad Pitt Movie HD
Flu - ఫ్లూ (2013)
సరికొత్త కాన్సెప్ట్లతో వచ్చే కొరియన్ సినిమాలను ఇష్టపడినవారు ఎవరుంటారు చెప్పండి? 2013లో విడుదలైన ‘ఫ్లూ’ సినిమా కూడా మీకు నచ్చుతుంది. కథ ప్రకారం.. హాంగ్కాంగ్ నగరం నుంచి కొంతమందిని అక్రమ మార్గంలో కొరియాకు పంపుతారు. అక్కడ కొరియన్ సినిమా ఇది. హాంగ్ కాంగ్ సిటీలో కొంతమందిని కంటైనర్లో అక్రమంగా దక్షిణ కొరియాకు పంపుతారు. అందులో ఒకరిని వైరస్ ఎటాక్ చేస్తుంది. కంటైనర్ కొరియాకు చేరుకొనే సరికి అందులో ఒక్కరు కూడ ప్రాణాలతో మిగలరు. ఆ వైరస్ అక్కడి నుంచి ప్రజలకు సోకడం మొదలువుతుంది. దీంతో చాలా క్వారంటైన్ జోన్స్లోకి చేరతారు. చివరికి అక్కడ అతలాకుతల పరిస్థితులు ఏర్పడతాయి. ఈ సినిమా చివరి వరకు ఉత్కంఠభరితంగా సాగుతుంది.
Youtube-THE FLU Movie Trailer
Outbreak - ఔట్ బ్రేక్ (1995)
ఈ సినిమా చూసిన తర్వాత మీకు అడవుల్లో అడుగు పెట్టాలంటేనే భయం వేస్తుంది. ఎందుకంటే.. అడవుల్లో కేవలం క్రూర జంతువులే కాదు, కంటికి కనిపించని ప్రమాదకర బ్యాక్టరీయా, వైరస్లు కూడా ఉంటాయనేది ఇందులో చూపించారు. మొటబా అనే వైరస్ అడవి నుంచి చిన్న పట్టణంలోకి ప్రవేశిస్తుంది. దాని వల్ల ప్రజలు ఎలాంటి పరిస్థితులు ఎదుర్కొన్నారు. సైన్యం, ప్రభుత్వం దాన్ని నియంత్రించడానికి చేసే ప్రయత్నాలు థ్రిల్లింగ్గా ఉంటాయి.
Youtube-Outbreak (1995) Official Trailer - Dustin Hoffman, Morgan Freeman Sci-Fi Movie
Virus - వైరస్ (2019)
ఇది మన భారతీయ చిత్రమే. గతేడాది కేరళ ప్రజలను వణికించిన నిపా వైరస్ నేపథ్యంలో ఈ మలయాళం సినిమాను తెరకెక్కించారు. నిపా వైరస్ సోకిన తర్వాత అధికారులు దాన్ని ఏ విధంగా కంట్రోల్ చేసే ప్రయత్నం చేశారనేది థ్రిల్లింగ్గా చూపించారు. ఇండియాలో వచ్చిన బెస్ట్ మెడికల్ థ్రిల్లర్ సినిమా ఇదే. సుత్తి లేకుండా మొదటి సీన్ నుంచే కథలోకి ఇన్వాల్ అయిపోయేలా చేస్తుంది. అలాగే, తమిళంలో విడుదలైన ‘సెవెన్స్ సెన్స్’ సినిమా కూడా మిస్ కాకుండా చూడండి.
Youtube-Virus Official Trailer | Aashiq Abu | OPM Records
Contagion - కంటేజియన్ (2011)
ఈ సినిమా చూస్తున్నంత సేపు కరోనా వైరస్ గురించి వీరికి ముందే తెలుసా అనిపిస్తుంది. గుర్తుతెలియని వైరస్ వ్యాప్తి చెందితే ప్రపంచంలో ఎలాంటి పరిస్థితి ఏర్పడుతుందనేది తొమ్మిదేళ్ల కిందటే కళ్లకు కట్టినట్లు చూపించారు. 2011లో విడుదలైన ఈ మెడికల్ థ్రిల్లర్లో టైటానిక్ హీరోయిన్ కేట్ విన్స్లెట్ ప్రధాన పాత్ర పోషించారు. కథ ప్రకారం.. చైనాలో మొదలైన ఓ వైరస్ ఒక మహిళ ద్వారా అమెరికాకు చేరుతుంది. ఆమె కలిసిన వ్యక్తులందరికీ ఈ వైరస్ సోకుతుంది. దగ్గు, జ్వరంతో మొదలయ్యే ఈ వైరస్ వల్ల ప్రజలు నిమిషాల వ్యవధిలో చనిపోతుంటారు. దీన్ని అధికారులు ఎలా ఎదుర్కొన్నారనేది చాలా థ్రిల్లింగ్గా చూపించారు. ఈ సినిమా స్క్రీన్ ప్లే మిమ్మల్ని కట్టిపడేస్తుంది. ఈ సినిమా వల్ల మీకు వైరస్ అంటే ఏమిటో అర్థమవుతుంది. వాటి నుంచి కుటుంబాలను ఎలా కాపాడుకోవాలనే అవగాహన కలుగుతుంది.
Youtube-Contagion (2011) Official Exclusive 1080p HD Trailer
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.