video: మంచు రాక్షసులు మళ్లీ వచ్చారు.. జపాన్ టూరిస్టులు హ్యాపీ

జపాన్ అందమైన సంపన్న దేశం. పరిశుభ్రతకు పెద్ద పీట వేసే ప్రజలు. అలాంటి దేశంలో ఏటా చలికాలం రాగానే... జావో పర్వత ప్రాంతం (Mount Zao)లో పెద్ద, చిన్న సైజులో చాలా మంచు బొమ్మలు ఏర్పడతాయి. సహజసిద్ధంగా ఏర్పడే ఈ బొమ్మలను స్థానికంగా జుహ్యోలు (Juhyos) అంటారు. అంటే మంచు రాక్షసులు (snow monsters) అని అర్థం. ఇవి అంత తేలిగ్గా ఏర్పడవు. ప్రత్యేక వాతావరణ పరిస్థితుల్లో మాత్రమే ఇవి ఏర్పడతాయి. మంచుతో కప్పి ఉండే జావో పర్వతం చుట్టూ ఈదురు గాలులు వేగంగా వీస్తూ అక్కడి కోనిఫెర్ చెట్లపై ఉండే మంచు, నీటి అణువుల్ని ఎగరేస్తూ ఉండాలి. అలా ఎగిరే మంచు, నీటి అణువులు ఇలాంటి ఆకారాలుగా ఏర్పడతాయి. (japan snow monsters)

చెట్ల కొమ్మల నుంచి గాలి రాపిడి వల్ల కింద పడే మంచు, నీటి అణువులు... కింద ఉన్న మంచుపై రకరకాల ఆకారాల్లో పడుతుంటాయి. అలా కంటిన్యూగా పడుతూ ఉంటే... కిందపడే మంచు పైకి పెరుగుతూ... ఏదో ఒక ఆకారాన్ని చూపిస్తుంది. ఆ ఆకారాలు శిల్పులు చెక్కిన విగ్రహాల్లా అందంగా ఉండవు. చెప్పాలంటే కొన్ని భయంకరంగా ఉంటాయి. మరికొన్ని జాంబీల లాగా ఉంటాయి. అందుకే వీటిని మంచు రాక్షసులు అంటారు.


శీతాకాలం అంతా ఈ రాక్షసులు ఇలాగే ఉంటారు. వసంతకాలం వచ్చాక... క్రమంగా మంచు కరిగిపోతుంది. దాంతో రాక్షసులు నీరుగారిపోతారు.


ఈ మంచు రాక్షసుల్ని చూసేందుకు టూరిస్టులు తరలివస్తున్నారు. జావో పర్వత ప్రాంతం సందర్శకులతో కళకళలాడుతోంది. జనవరి నుంచి మార్చి మధ్య వరకూ ఇలా టూరిస్టులు వస్తుంటారు. పిల్లలకు ఈ బొమ్మలంటే ఎంతో ఇష్టం. వీటిలో వాళ్లు రకరకాల యానిమేషన్ కార్టూన్ కేరక్టర్లను గుర్తిస్తుంటారు. వారికి అదో సరదా.


ప్రస్తుతం ఈ మంచు రాక్షసుల్ని చూసేందుకు వీలుగా జోవా పర్వతం దగ్గర రోప్ వే కూడా ఏర్పాటు చేశారు. ఈ రోప్ వే వల్ల పర్వతం కింద నుంచి పై వరకూ టూరిస్టులు వెళ్లగలరు. ఇప్పుడు ఈ మంచు బొమ్మలకు కలర్‌ఫుల్ లైటింగ్స్ కూడా పెడుతున్నారు. తద్వారా ఇవి మరింత కొత్త శోభతో మెరుస్తున్నాయి.
video: మరుక్షణంలో మృత్యుపాశం.. మెరుపులా వచ్చి పాపను కాపాడాడు
video: ఓరి నీ ఏసాలో.. అయ్యిందిగా.. బాగా అయ్యిందిగా..

సరైనా వాతావరణ పరిస్థితులు ఉన్నప్పుడు మాత్రమే ఈ మంచు రాక్షసులు ఏర్పడతారట. భూతాపం, వాతావరణ కాలుష్యం, ఎండలు పెరగడం వంటివి ఏటా పర్యావరణాన్ని దెబ్బతీస్తున్నాయనీ... అందువల్ల రాన్రానూ ఈ మంచు రాక్షసుల సైజు తగ్గిపోతోందని పర్యావరణ వేత్తలు ఆందోళన వ్యక్తం చేస్తున్నారు. వాతావరణాన్ని కాపాడేందుకు ప్రపంచ దేశాలు నిబద్ధతతో పనిచేయాలని కోరుతున్నారు.