యాప్నగరం

ఆడ? మగ?.. ఊహించని కారణంతో జైలు శిక్ష తప్పించుకున్న దొంగ!

ఆ దొంగ ఊహించని విధంగా జైలు శిక్ష తప్పించుకుంది. ఆమె చోరీ చేసినట్లు ఆధారాలున్నా.. ఊహించని విధంగా కోర్టు వేసిన శిక్షణను రద్దు చేయాల్సి వచ్చింది.

Samayam Telugu 2 Mar 2020, 7:46 pm
ఓ దొంగతనం కేసు సందర్భంగా ఓ జడ్జికి ఎదురైన వింత పరిస్థితి ఇది. ఓ చోరీ కేసులో అరెస్టయిన దొంగ.. ట్రాన్స్‌జెండర్ (లింగమార్పిడి) అని తెలిసి న్యాయమూర్తి గందరగోళానికి గురయ్యారు. ఒక వేళ శిక్ష విధించినా పురుషుల జైల్లో పెట్టాలా లేదా మహిళల జైల్లో పెట్టాలా అనే సందిగ్దంలో పడ్డారు. చివరిక ఏ శిక్ష విధించకుండానే ఆ ట్రాన్స్‌జెండర్‌ను విడుదల చేశారు. ఈ ఘటన యూకేలోని బ్రైటన్‌లో చోటుచేసుకుంది.
Samayam Telugu transgender thief avoids prison as she could be sent to neither male nor female jail
ఆడ? మగ?.. ఊహించని కారణంతో జైలు శిక్ష తప్పించుకున్న దొంగ!



నిర్ధరణ పత్రాలు లేకపోవడంతో..

లైలా లే ఫే అనే దొంగ బడ్జెన్స్‌లోని ఓ బార్‌లోకి ప్రవేశించి అక్కడి ఉద్యోగిని సుత్తితో బెదిరించింది. తనకు వైన్ బాటిల్ ఇవ్వకపోతే ఆ సుత్తితో తల బద్దలకొడతానని పేర్కొంది. ఈ కేసులో అరెస్టయిన లైలాను పోలీసులు కోర్టుకు అప్పగించారు. ఈ సందర్భంగా కోర్టు లైలాకు ఆరు నెలల జైలు శిక్ష విధించింది. అయితే, లైలాను ఏ జైలుకు పంపాలనే విషయం మీద గందరగోళం నెలకొంది. తాను మహిళగా మారిన పురుషుడినని లైలా చెప్పింది. కానీ, లైలా వద్ద మహిళగా మారినట్లుగా రుజువులు లేవు.

ఏ జైలుకు పంపాలి?

అతడు మహిళగా మారినట్లుగా రుజువులు లేవనే కారణంతో పురుషుల జైలుకు పంపితే తోటి ఖైదీలతో ఇబ్బంది కలగవచ్చని కోర్టు భావించి. పైగా ట్రాన్స్‌జెండర్లకు ప్రత్యేక జైలు లేకపోవడంతో లైలాను ఏ జైలుకు తరలించాలనే విషయం మీద స్పష్టత రాలేదు. లైలా వద్ద సర్టిఫికెట్లు లేని నేపథ్యంలో శరీరాన్ని నేరుగా తనిఖీ చేసి నిర్ధరిస్తారు. ఇందుకు కోర్టు సిబ్బంది సిద్ధంగా లేకపోవడంతో న్యాయమూర్తి ఆమె శిక్షను రద్దు చేశారు. అయితే, 30 రీహాబిలిటేషన్ సెషన్స్‌కు తప్పకుండా హాజరు కావాలని ఆదేశించారు.


Also Read: తీహార్‌లో ‘హర్రర్’.. ఆత్మలను చూసి ఖైదీలు హడల్, రాత్రయితే రచ్చ రచ్చే!

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.