video: యుద్ధం వద్దని పాట పాడిన ఉక్రెయిన్ పాప.. హార్ట్ టచింగ్ వీడియో

జీవితంలో కనీస అవసరాలు తీరేవారికి ఏరోజైనా బాగానే ఉంటుంది. అసలు జీవితమే లేదు అనే దుస్థితిలో ఉంటే క్షణమొక యుగమే. రష్యా యుద్ధ దాడుల్లో చితికిపోతున్న ఉక్రెయిన్‌లో ప్రజల పరిస్థితి ఉంది. నెక్ట్స్ మినిట్ ఉంటామో పోతామో అని ప్రాణాలు అరచేతుల్లో పెట్టుకొని జీవిస్తున్నారు. కొందరు బతుకుజీవుడా అంటూ పక్క దేశాలకు వెళ్లిపోతున్నారు. తాజాగా ఓ బంకర్‌లో తల దాచుకున్న వారి మధ్యలో నిలబడిన చిన్నారి అమెలియా (Amelia)... అద్భుతంగా పాట పాడింది. యుద్ధం పోవాలి అంటూ లెట్ ఇట్ గో (Let It Go) సాంగ్ పాడింది. (russia war)

ఈ వీడియోని ఫేస్‌బుక్‌లో మొదట మార్టా స్మెఖోవా గురువారం పోస్ట్ చేశారు. పాప తల్లి నుంచి పర్మిషన్ తీసుకొని ఈ వీడియోని రికార్డ్ చేసినట్లు తెలిపారు. దీన్ని ఇప్పటివరకు 31 లక్షల మంది చూశారు. 99 వేల మంది లైక్ చేశారు. పాప పాట పాడటం మొదలుపెట్టగానే... బంకర్‌లో వారంతా తమ పనులన్నీ పక్కన పెట్టి పాట వినడం మొదలుపెట్టారు. అంతా సైలెంట్ అయిపోయారు. అంతలా ఆ చిన్నారి చక్కగా పాడింది. (Russia invasion)

రేపు ఎలా ఉంటుందో తెలియదు. ప్రాణం ఏ క్షణాన గాల్లో కలుస్తుందో ఏమో... భవిష్యత్తేంటో తెలియక ఆందోళనలో ఉన్న అక్కడి వారికి ఆ చిన్నారి పాట మేల్కొలుపులా, దిక్సూచిలా, చిరుదివ్వెలా, మార్గదర్శిలా మారింది. వాళ్లంతా కన్నీళ్లను కళ్లలో నింపుకొని... ధైర్యం తెచ్చుకున్నారు. చప్పట్లతో ఎంకరేజ్ చేశారు. (Ukraine conflict)

ఆ పాట వీడియోని ఇక్కడ చూడండి (Russian invasion of Ukraine)

అటు చూస్తే రోజు రోజుకూ ఉక్రెయిన్ నగరాల్ని రష్యా సైన్యం ఆక్రమించుకుంటోంది. రష్యా దండ యాత్ర వల్ల ఇప్పటికే 10 లక్షల మందికి పైగా ఉక్రేనియన్లు దేశం విడిచి వెళ్లిపోయారు. వాళ్లంతా ఇతర దేశాల్లో శరణార్థులుగా బతకాల్సి వస్తోంది. యుద్ధం వల్ల రష్యా కూడా సాధించింది ఏముంది? అంతా నష్టమే. ఇక ప్రపంచ దేశాలకు చమురు ధరల మంటలు తప్పట్లేదు. కరోనా సమస్య తగ్గగానే... యుద్ధం వచ్చి... ప్రజలను మరిన్ని కష్టాల్లోకి నెడుతోంది. దీని నెగెటివ్ ప్రభావం మున్ముందు భారీగా ఉంటుంది అంటున్నారు.
Ukraine War ఉక్రెయిన్ లొంగిపోయే వరకూ యుద్ధం ఆగదు.. తేల్చిచెప్పిన పుతిన్
video: ఉడుతను కాపాడిన కుక్క.. ఫీల్ గుడ్ వీడియో
ఇప్పటివరకు 350 మందికి పైగా పౌరులు చనిపోయారని మార్చి 6న ఐక్యరాజ్యసమితి చెప్పింది. వందల మంది గాయపడ్డారని తెలిపింది. ఐతే... ఉక్రెయిన్ ఎమర్జెన్సీ సర్వీసుల వారు మాత్రం మార్చి 2 నాటికే 2వేల మంది చనిపోయారని తెలిపారు. 11వేల మంది రష్యా సైన్యాన్ని చంపేసినట్లు ఉక్రెయిన్ అధికారులు చెబుతున్నారు. రష్యా ప్రభుత్వం మాత్రం 500 మంది సైన్యం మాత్రమే చనిపోయినట్లు తెలిపింది.