viral video: వర్కవుట్ చెయ్యి.. జ్యూస్ తాగు.. కొత్త కాన్సెప్ట్ అదుర్స్

మనలో చాలా మంది జిమ్‌కి వెళ్తారు. వర్కవుట్లు చేస్తారు. నీరసం వచ్చేస్తుంది కాబట్టి... ఎనర్జీ కోసం ఫ్రూట్ జ్యూస్ తాగుతారు. ఇది అన్ని జిమ్‌లలో ఉండేదే. గుజరాత్‌.. అహ్మదాబాద్‌లో... ది గ్రీనోబార్ (The Greenobar) అనే ప్రత్యేక జ్యూస్ షాప్ ఉంది. అక్కడికి ఎవరు వెళ్లినా జ్యూస్ ఇవ్వరు. ఎవరికి వాళ్లు జ్యూస్ తయారుచేసుకోవాలి. ఇందుకోసం ప్రత్యేక టెక్నాలజీని వారు వాడుతున్నారు.

జ్యూస్ ఎలా వస్తుంది?
ఈ గ్రీనోబార్‌లో చాలా సైకిల్స్ ఉంటాయి. వాటి ముందు చక్రంపై మిక్సీ జ్యూస్ జార్ పెట్టేందుకు వీలుగా ఏర్పాటు ఉంది. జ్యూస్ కావాలి అనుకునేవారు సైకిల్ ఎక్కి తొక్కాలి. వారు తొక్కుతూ ఉంటే... జార్‌లో జ్యూస్ తయారవుతూ ఉంటుంది. ఎంత వేగంగా తొక్కితే... అంత వేగంగా జ్యూస్ తయారవుతుంది. ఇలా ఎనర్జీ వేస్ట్ అయితే గానీ జ్యూస్ రాదు. అధిక బరువు ఉన్నవారు బరువు తగ్గించుకోవడానికి ఈ కాన్సెప్ట్ ఏర్పాటుచేశారు. కష్టపడటం ద్వారా తయారయ్యే జ్యూస్ చాలా ఆనందం కలిగిస్తుంది. తామే దాన్ని తయారుచేశామనే ఆలోచన సంతోషాన్ని ఇస్తుంది. అందుకే ఈ కాన్సెప్ట్ కస్టమర్లకు, నెటిజన్లకూ బాగా నచ్చుతోంది.

ఇప్పటివరకూ ఎక్కడా ఇలాంటి జ్యూస్ బార్ లేదు. అందుకే దీనికి సంబంధించిన ఓ వీడియో సూపర్ వైరల్ అయ్యింది. ఇన్‌స్టాగ్రామ్‌లోని thegreenobar అకౌంట్‌లో డిసెంబర్ 6న పోస్ట్ చేసిన ఈ వీడియోని కోటి మందికి పైగా చూశారు. దాదాపు 4 లక్షల లైక్స్ వచ్చాయి. ఇందులో మోహిత్ కేశ్వానీ... సైకిల్ తొక్కుతూ... పుచ్చకాయ జ్యూస్ తయారుచేసుకున్నారు.

ఆ వీడియోని ఇక్కడ చూడండి

గ్రీనోబార్ అకౌంట్‌లో ఇలాంటి చాలా వీడియోలున్నాయి. వాటిలో కస్టమర్లు హార్డ్‌వర్క్ చేసి.. కేలరీలు బర్న్ చేసుకొని ఆ తర్వాత జ్యూస్ తాగుతున్నారు.


సాధారణంగా జ్యూస్ తయారీకి కరెంట్ అవసరం. ఇక్కడ ఆ అవసరం లేకుండానే జ్యూస్ తయారవుతోంది. ఆరోగ్యానికీ ఇది మేలే కావడం వల్ల నెటిజన్లు దీన్ని బాగా లైక్ చేస్తున్నారు.
ఏలియన్స్ కోసం మతాధికారుల్ని నియమించిన నాసా.. ఎందుకిలా చేస్తోంది?
చాలా మంది తాము కూడా దీన్ని ట్రైచేస్తామంటున్నారు. మరికొంత మంది ఆ సైకిల్‌ తమకూ కావాలి అంటున్నారు. మరికొంతమంది జిమ్‌లలో ఇలాంటివి ఏర్పాటు చెయ్యాలని కోరుతున్నారు.