viral video: పోర్షే కారును తగలబెట్టాడు.. లోపల మహిళ.. ఎందుకిలా?

సోషల్ మీడియాలో కొన్ని వీడియోలు చూసినప్పుడు ఆశ్చర్యపోతాం. ఇది అలాంటిదే. ఓ యువకుడు పెట్రోల్ బంక్ దగ్గర కారును తగలబెట్టాడు. ఎంత ప్రమాదకరమైన పని అది. అతను అలా ఎందుకు చేశాడన్నది ఇప్పుడు హాట్ టాపిక్ అయ్యింది.

డిసెంబర్ 16న సౌత్ చైనాలోని షెన్‌జెన్ సిటీలో ఈ ఘటన జరిగింది. ఓ మహిళ పోర్షే కారులో పెట్రోల్ బంక్‌కి వచ్చింది. ఆమెతో ఓ అటెండెంట్ ఉన్నాడు. పెట్రోల్ బంక్ దగ్గర కారు ఆపి... ట్యాంకులో పెట్రోల్ నింపుకుంటున్నారు. అదే సమయంలో ఓ అపరిచిత వ్యక్తి పెట్రోల్ నింపుతున్న పైపును వెనక్కి తీసి... వెంటనే కారుపై పెట్రోల్ పోసి... నిప్పంటించి పారిపోయాడు. అది చూసిన అటెండెంట్ షాక్ అయ్యాడు. పెద్ద ఎత్తున మంటలొచ్చాయి. కారులో ఉన్న మహిళ కేకలు పెట్టసాగింది. అటెండెంట్ గబగబా కారు డోర్ తీసి ఆమెను కాపాడాడు. అతనితోపాటూ ఆమె కూడా కారు దగ్గర నుంచి పారిపోయింది. అప్పటికే అలర్ట్ అయిన పెట్రోల్ బంక్ సిబ్బంది... మంటలు ఆర్పేందుకు ఎక్స్‌టింగ్విషర్లను ఉపయోగించారు. మొత్తానికి 15 సెకండ్లలో మంటల్ని ఆర్పగలిగారు. ఇదంతా అక్కడి CCTV కెమెరాలో రికార్డ్ అయ్యింది.

పెట్రోల్ బంక్ దగ్గర ఈ పని చెయ్యడం అందర్నీ ఆశ్చర్యపరిచింది. పొరపాటున మంటలు ఆరకపోయి ఉంటే... బంక్ మొత్తం తగలబడేది. అక్కడ పెట్రోల్, డీటిల్ ఉంటుంది కాబట్టి మంటలు అంత త్వరగా ఆరేవి కావు. చెప్పాలంటే బంక్ సిబ్బంది ప్రాణాలకు తెగించారు. పోర్షే కారు ఖరీదైనది. ఇండియాలో దాని ధర రూ.83 లక్షల దాకా ఉంటుంది. మరి అలాంటి కారును అతను కావాలని ఎందుకు తగలబెట్టాడు?

ఆ వీడియోని ఇక్కడ చూడండి.

ప్రస్తుతం ఈ వీడియో సోషల్ మీడియాలో వైరల్ అవుతోంది. ఈ ఘటనకు సంబంధించి మంట పెట్టిన వ్యక్తిని పోలీసులు అరెస్టు చేశారు. అతను అలా ఎందుకు చేశాడన్నది పోలీసులు బయట పెట్టట్లేదు. దర్యాప్తు జరుగుతోంది అంటున్నారు.

ఏదైనా ప్రేమ వ్యవహారంలో తేడా వచ్చిందా లేక... ఉద్యోగం విషయంలో గొడవ జరిగిందా లేక అతనికి షార్ట్ టెంపర్ ఉందా... ఇలా అన్ని కోణాల్లోనూ దర్యాప్తు జరుగుతోందని తెలిసింది.

Shocking video: చిరుతపులితో సెల్ఫీ.. ఆ తర్వాత ఏమైందంటే!

మొత్తానికి ఈ ఘటన ప్రతి ఒక్కర్నీ షాక్ అయ్యేలా చేస్తోంది. ఇది జరిగిన తర్వాత పెట్రోల్ బంక్ యాజమాన్యం అక్కడ కఠినమైన రూల్స్ తెచ్చినట్లు తెలిసింది.