viral video: దోస్త్ మేరా దోస్త్... స్నేహితుడి కోసం వీళ్లు ఏం చేశారంటే..

"దోస్త్ మేరా దోస్త్... నువ్వే నా ప్రాణం" అంటూ ఓ సినీ గేయ రచయిత... స్నేహం గురించి అద్భుత పాట రాశారు. నిజమే మరి లవర్స్ లేని వాళ్లు ఉంటారేమో గానీ... స్నేహితులు లేని వాళ్లు దాదాపు ఉండరు. ప్రతి ఒక్కరికీ ఎంతో కొంత మంది ఫ్రెండ్స్ ఉంటారు. కాల్ చెయ్యగానే... "చెప్పరా మామా" అనేంత క్లోజ్ నెస్ వారి మధ్య ఉంటుంది. స్నేహాన్ని పంచుకుంటూ, పెంచుకుంటూ... కష్టాలు, కన్నీళ్లు, ఆనందాలు, సరదాలూ అన్నీ పంచుకునే వాళ్లే ఫ్రెండ్స్. అలాంటి కొందరు దోస్తులకు సంబంధించిన ప్రేరణాత్మక వీడియో ఇప్పుడు సోషల్ మీడియాలో వైరల్ అవుతోంది. తమ ఫ్రెండ్‌కి క్యాన్సర్ ట్రీట్‌మెంట్ (cancer treatment) మొదలవ్వడంతో... ఆ ఫ్రెండ్‌కి మానసిక సపోర్ట్ ఇస్తూ వాళ్లు ఏం చేశారన్నదే ఆ వీడియో.

స్నేహమంటే ఇదేరా:
వాళ్లంతా దాదాపు పది మంది ఫ్రెండ్స్. వాళ్లలో ఒకరికి క్యాన్సర్ వచ్చింది. ఇదో భయంకరమైన వ్యాధి. ప్రాణాలు తీయగలదు. కానీ... ధైర్యంగా పోరాడితే ఈ వ్యాధిని జయించవచ్చు. ఇందుకు మానసిక స్థైర్యం కావాలి. "ఎస్ నేను పోరాడగలను. గెలవగలను" అనే నమ్మకం అణువణువునా నిండాలి. అప్పుడే వ్యక్తిలోని కణాలన్నీ చైతన్యంగా ఉంటాయి. క్యాన్సర్‌తో పోరాడే శక్తి వాటికి వస్తుంది. అందుకే తమ ఫ్రెండ్‌కి ఆ ధైర్యాన్ని ఇచ్చేందుకు వారు సిద్ధమయ్యారు. క్యాన్సర్ వచ్చిన వ్యక్తికి తలపై జట్టు మొత్తం రాలిపోతుంది కదా... అలా మారిపోయిన తమ ఫ్రెండ్‌లో ధైర్యం నింపేందుకు వారంతా హెయిర్ కటింగ్ చేయించుకున్నారు. తద్వారా "బాధపడకు మిత్రమా.. నీకు మేమున్నాం. నువ్వు కచ్చితంగా క్యాన్సర్‌ని జయిస్తావ్" అనే మెసేజ్ ఇచ్చారు. (great friends)

ఇన్‌స్టాగ్రామ్‌లోని goodnewscorrespondent పేజీలో ఈ వీడియోని నిన్న పోస్ట్ చెయ్యగా... ఇప్పటికే దీన్ని 30 వేల మందికి పైగా చూశారు. 3వేల మందికి పైగా లైక్ చేశారు. "ఎవరూ ఒంటరిగా పోరాడలేరు. తమ ఫ్రెండ్‌కి క్యాన్సర్ ట్రీట్‌మెంట్ మొదలవ్వడంతో... అతనికి ధైర్యంగా మిగతా ఫ్రెండ్స్ అంతా తమ జుట్టు కట్ చేయించుకున్నారు. ఇదో అందమైన, ధైర్యం నింపే ఆశ్చర్యకర ఘటన" అని వీడియోకి క్యాప్షన్ ఇచ్చారు.

ఆ వీడియోని ఇక్కడ చూడండి (viral video)

ఈ వీడియో నెటిజన్ల హృదయాల్ని కదిలిస్తోంది. అలాంటి ఫ్రెండ్స్ ఎవరికి ఉన్నా... ఇక వారిని క్యాన్సర్ కాదు కదా ఏదీ ఏమీ చెయ్యలేదు అంటున్నారు. "నిజమైన ఫ్రెండ్స్" అని ఓ యూజర్ కామెంట్ ఇవ్వగా... "గొప్ప మనుషులు" అని మరో యూజర్ స్పందించారు. "దేవుడు వారిని కాపాడాలి. అందరి సపోర్టుతో వారి ఫ్రెండ్ కోలుకోవాలి" అని మరో యూజర్ కామెంట్ ఇచ్చారు.
viral video: గద్దను హడలెత్తించిన కోడి.. తన పిల్లల జోలికొస్తే...
"ఎప్పటికీ ఫ్రెండ్స్" అని మరొకరు కామెంట్ ఇవ్వగా... "ఎంత అద్భుతమైన, అందమైన విలువ కట్టలేని స్నేహితుల బృందం ఇది. దేవుడు మిమ్మల్నందర్నీ కాపాడాలి" అని మరో యూజర్ స్పందించగా... "ఇది అద్భుతం. ఇది నిజమైన క్యారెక్టర్" అని మరో యూజర్ స్పందించారు. "ఒకరిపై ఒకరికి అద్భుతమైన ప్రేమ" అని మరో యూజర్ కామెంట్ ఇచ్చారు.