viral video: గంటకు 417 కి.మీ. వేగం... దూసుకెళ్లిన బుగాటీ...

ఏ వాహనమైనా వేగంగా నడపాలంటే 3 అంశాలు కీలకం. 1. వాహనం ఫిట్ గా ఉండాలి. 2. రోడ్డు బాగుండాలి. 3. డ్రైవర్ కి అనుభవం ఉండాలి. వీటిలో ఏది తేడా వచ్చినా ప్రమాదం తప్పదు. చెక్ రిపబ్లిక్ కి చెందిన సంపన్నుడు రాడిమ్ పాస్సెర్ (Radim Passer)... నడిపిన బుగాటీ చిరాన్ (Bugatti Chiron) కారు వీడియో ఇప్పుడు వైరల్ అవుతోంది (Bugatti Chiron on Autobahn).

ఈ వీడియో ఎంత వైరల్ అయ్యిందంటే... దీనిపై స్వయంగా జర్మనీ రవాణా మంత్రిత్వ శాఖ సీరియస్ అవ్వాల్సి వచ్చింది. ఎందుకంటే... రాడిమ్... ఆ కారును ప్రభుత్వ హైవేపై గంటకు 417 కిలోమీటర్ల వేగంతో నడిపాడు. అది స్పోర్ట్స్ కారు కాబట్టి... అంత వేగంతో నడిపినా... ఏమాత్రం కుదుపులు లేకుండా సర్రున దూసుకెళ్లింది. దాని గరిష్ట వేగం గంటకు 500 కిలోమీటర్లు. హైవేపై అంత వేగంగా నడిపితే డేంజరే. పొరపాటున తేడా వస్తే... బుగాటీ గాల్లోకి ఎగరడమే కాదు... ఇతర వాహనాలకూ తీవ్రమైన ప్రమాదం తప్పదు (bugati high speed video).

జర్మనీలోని A2 ఆటోబాన్ అని పిలిచే హైవేపై ఈ కారు నడిపాడు రాడిమ్. ఈ రోడ్డు బెర్లిన్, హన్నోవర్ మధ్య ఉంటుంది. ఇందుకు సంబంధించిన వీడియోని జనవరి 9న రాడిమ్ తన యూట్యూబ్ ఛానెల్ Radim Passerలో అప్ లోడ్ చేశాడు. గంటకు 417 కి.మీ. వేగంతో వెళ్లినట్లు చెప్పాడు. ఈ స్టంట్ గతేడాది చేసినట్లు తెలిసింది. మూడు లేన్ల రోడ్డుపై 10 కిలోమీటర్ల ప్రయాణంలో గరిష్ట వేగం గంటకు 417 కి.మీ.గా వీడియోలో రికార్డ్ అయ్యింది. ఈ కారు రోడ్డుపై వెళ్తూ... గాల్లో తేలుతున్నట్లు దూసుకుపోయింది. పక్కనే వెళ్తున్న చాలా వాహనాల్ని ఇది ఓవర్ టేక్ చేసింది.

ఆ వీడియోని ఇక్కడ చూడండి (bugati on highway video)

జర్మనీలోని ఆటోబాన్ నెట్ వర్కులో స్పీడ్ లిమిట్ లేదు. కానీ ఈ వీడియో చూసిన ప్రభుత్వ రవాణా శాఖ బుధవారం ఓ స్టేట్ మెంట్ రిలీజ్ చేసింది. "ఇలాంటి చర్యల్ని రోడ్లపై వ్యతిరేకిస్తున్నాం. ఇలాంటివి రోడ్డుపై వెళ్లే ఇతర ప్రయాణికులకు ప్రమాదకరం. ప్రతి ఒక్కరూ రోడ్ ట్రాఫిక్ రూల్స్ పాటించాలి. ఇతరులకు హాని కలగని విధంగా వ్యవహరించాలి" అని ప్రకటనలో తెలిపింది.

రాడిమ్.. చెక్ రిపబ్లిక్ లో 33వ అత్యంత సంపన్నుడు. ఫోర్బ్స్ (Forbes rich list) ప్రకారం అతని సంపద విలువ రూ.2,292 కోట్లు.
viral video: గ్రేట్.. డ్రైవర్‌తోపాటూ ప్రయాణికుల ప్రాణాలూ కాపాడింది
ఈ వీడియో చూసిన నెటిజన్లు ఆశ్చర్యపోతున్నారు. "నేను ఆశ్చర్యపోతున్నాను. మన పక్క నుంచి ఇంత వేగంతో బుగాటీ వెళ్తే ఎలా ఉంటుంది" అని ఓ యూజర్ కామెంట్ ఇవ్వగా... "ఎవరైనా ఆ బ్రిడ్జిపై ఉంటే... కింద నుంచి బుగాటీ ఇంత వేగంతో వెళ్తే... బ్రిడ్జిపై ఉన్న వారికి హార్ట్ ఎటాక్ రావడం ఖాయం" అని మరో యూజర్ స్పందించారు.

viral video: ఒక జింక.. మూడు చీతాలు.. చివర్లో ట్విస్ట్ చూసి తీరాల్సిందే...
"నాకు గుర్తుంది... 20 ఏళ్ల కిందట... ఆటోబాన్ పై గంటకు 270 కిలోమీటర్ల వేగంతో వెళ్లడం బుద్ధితక్కువ తనం అనుకున్నాను. ఇది ఇంకా పెద్ద బుద్ధి తక్కువ తనం" అని మరో యూజర్ స్పందించారు.