పసిబిడ్డలతో మహిళా పోలీసులు.. వారి సేవకు నెటిజన్స్ ఫిదా

ఖాకీ మనసులు కఠినంగా ఉంటాయని అంతా భావిస్తారు. కానీ, పోలిసులంతా అలా ఉండరని, వారికి కూడా మంచి మనసు ఉంటుందని ఈ చిత్రం చూస్తే తెలుస్తుంది. ఇందులో పసిబిడ్డలను ఎత్తుకుని ప్రేమగా లాలిస్తున్న ఈ మహిళ పోలీసులను చూస్తే.. వారే ఆ బిడ్డల తల్లలనే భావన కలుగుతుంది. కానీ, ఆ పసివాళ్లు వారి బిడ్డలు కాదు. టెట్ పరీక్షలు రాసేందుకు వచ్చిన అభ్యర్థుల పిల్లలు.

Also Read: విద్యార్థులను సమాధిలో పడుకోబెడుతున్న యూనివర్శిటీ.. కారణం తెలిస్తే ఆశ్చర్యపోతారు

ఈ అరుదైన దృశ్యం అస్సాంలోని దార్రంగ్ జిల్లాలో కనిపించింది. నవంబరు 10న జరిగిన టీచర్స్ ఎలిజిబిలిటీ టెస్ట్(టీఈటీ) సందర్భంగా విధులు నిర్వహిస్తున్న ఇద్దరు మహిళా పోలీసులు.. పసిబిడ్డలతో పరీక్ష కేంద్రానికి వచ్చిన తల్లులను చూసి చలించిపోయారు. వెంటనే వారి నుంచి పసిబిడ్డలను తీసుకున్నారు.

Also Read: గున్నను రక్షించిన సిబ్బందికి కృత‌జ్ఞతలు చెప్పిన ఏనుగు, వీడియో వైరల్

ఈ ఫొటోను అస్సాం పోలీసులు ట్విట్టర్‌లో పోస్టు చేశారు. ఈ దృశ్యాన్ని చూడగానే నెటిజనులు ఆశ్చర్యపోయారు. ఆ మహిళా పోలీసుల మంచితనానికి ఫిదా అవుతున్నారు. ఈ చిత్రం ఇప్పుడు సోషల్ మీడియాలో వైరల్‌గా చక్కర్లు కొడుతోంది.